Jańa qurylǵan Sý resýrstary jáne ırrıgasııa mınıstrligi «Shardara sý qoımasyn sharasyna toltyryp, kemerine keltiremiz» deıdi. Ony mınıstrliktiń ókili Danııar Saǵadıev «Silteme» baspasóz klýbynda bolǵan «Sý resýrstary jáne ırrıgasııa mınıstrligi: eki aılyq jumystyń mańyzdy nátıjeleri» atty baspasóz jıynynda aıtty.
«Baıtaq» jasyldar partııasynyń uıymdastyrýymen bolǵan jıynda elimizdegi sýarmaly jerler men transshekaralyq sý máseleleri týraly sóz boldy. Sý resýrstary jáne ırrıgasııa mınıstrligi Shardara sý qoımasy ǵana emes, jahandyq problemaǵa aınalǵan Aral teńiziniń de arnasyn sýǵa toltyramyz dep otyr. Bul jospar kelesi jyldyń sáýir aıyna deıin oryndalady deıdi. Sý mınıstrligi О́zbekstanmen kelissóz júrgizip, 11,1 mlrd tekshe metr sý alatyn bolyp kelisipti.
Sý resýrstary jáne ırrıgasııa mınıstrliginiń departament dırektorynyń orynbasary Danııar Saǵadıev mundaı kelissózder Qyrǵyz elimen de jasalyp jatqanyn aıtady.
«Birneshe kózdesý ótti. Qazir eń úlken sý qoımasy Qyrǵyz jerinde. Onda da sý az. Endi kelesi vegetasııaǵa daıyndaý úshin biz qyrǵyz aǵaıyndarǵa elektr energııasyn beremiz. Olar Toqtaǵulǵa sý jınap, jazda bizge jóneltedi», deıdi D. Saǵadıev.
Alaıda sarapshy maman Erlan Badashev: «Bul túk te jańalyq emes, Ortalyq Azııa elderiniń Aral teńizine qatysty ortaq kelisim aıasynda jylda jasalatyn shara», deıdi.
«11,1 mlrd tekshe metr sý kórshi eldermen ýaǵdalastyqqa saı Shardara sý qoımasyna jiberiledi. Ony Túrkistan jáne Qyzylorda oblysynyń sharýalary aldaǵy egin naýqanynda qoldanady. Sondaı-aq keler jyldyń birinshi sáýirine deıin Aral teńizine 1,6 mlrd tekshe metr sý jiberýge múmkindik týady», deıdi mınıstrliktiń ókili.
Resmı derekter boıynsha elimizdegi jalpy egistik alqaptardyń 67%-y – sýarmaly jerler. Keıingi kezdegi álemdik klımattyń ózgerýi onsyz da tapshy bolǵan sý máselesimen keshendi túrde aınalysýǵa májbúrlep otyr. Salany damytý úshin osydan eki aı buryn Sý resýrstary jáne ırrıgasııa mınıstrligi qurylǵan edi. Mınıstrlik qazir kórshiles eldermen qajetti tirshilik nárin alý úshin jan-jaqty kelissóz júrgizip jatyr.
«Baıtaq» jasyldar partııasy Prezıdent Qasym-Jomart Toqaev saıasatynyń jolynda áreket ete otyryp, bılik júrgizip jatqan reformalardy tolyqtyrady. Bizdiń maqsat – Ekologııa, Sý mınıstrilikterimen birlese jumys isteý jáne onyń jumysyn qadaǵalaý. О́ıtkeni halyqqa asa qajet bolyp otyrǵan mınıstrlikterdiń aldynda atqaratyn jumysy kóp. Ol ofıste shirenip otyra beretin, tek qaǵazdaǵy ǵana sandardy sapyrystyra beretin sheneýnikterdiń klýby bolyp ketpeýge tıis», dedi «Baıtaq» jasyldar partııasynyń tóraǵasy Azamathan Ámirtaev.
Sýǵa qatysty kórshi eldermen ýaǵdalastyqqa qol jetkizgen Sý resýrstary jáne ırrıgasııa mınıstri Nurjan Nurjigitov: «Birlesken kúsh-jigermen ǵana biz Ortalyq Azııadaǵy sý resýrstaryn utymdy paıdalaný jáne únemdeýdi qamtamasyz ete alamyz», deıdi. Talqylaýlar 2023 jyly 2 qarashada Tashkentte Memleketaralyq sý sharýashylyǵy úılestirý komıssııasynyń (MSShK) 85-otyrysynda bolǵan. Sonyń aıasynda Qazaqstan, Tájikstan, Túrikmenstan, О́zbekstan Syrdarııa jáne Ámýdarııa ózenderiniń basseınderindegi sý qoımalary kaskady jumysynyń boljamdy rejimi týraly hattamaǵa qol qoıdy. Kelesi kezekti MSShK-nyń 86-otyrysy elimizde jyl basynda ótedi dep josparlanyp otyr.
«Dostyq» memleketaralyq kanaly boıynsha sý alý – 487 mln tekshe metr. Bul Túrkistan jáne Qyzylorda oblystarynda 2024 jylǵy vegetasııalyq kezeńine qajetti sý kólemin jınaqtaýǵa múmkindik bermek.