Aqmola oblysynyń polıseıleri mal urlyǵy boıynsha kúdiktilerdi ustady, dep habarlaıdy Egemen.kz Polisia.kz-ke silteme jasap.
Selınograd aýdanynyń eki turǵyny Talapker aýylyndaǵy sharýanyń qorasyna túsip, 20 bas qoıyn urlap ketken. Shyǵyn mólsheri – 1 mıllıon teńge. Osy aýyldyń ekinshi turǵyny da aryz túsirip, 5 bas qoıyn urylardyń qoldy etkenin jazǵan. Jergilikti polıseıler aýyl turǵyndarynyń tynyshyn alyp, uıqysyn buzǵan urylardy uzatpaı qolǵa túsirdi.
«Qylmystyq kodekstiń 188-1-baby (Mal urlyǵy) boıynsha sotqa deıingi tergeý bastap, «Mal urlyǵy» jedel aldyn alý is-sharasy aıasynda Selınograd aýdany men astananyń aýmaǵynda krımınaldyq polısııa qyzmetkerleri jedel-izdestirý is-sharalarynyń keshenin ótkizdi. Nátıjesinde Qajymuqan aýylynyń eki týmasy anyqtalyp, ustaldy. Tergeý is-sharalary barysynda ustalǵandardyń eldi mekenge, jalǵa alynǵan avtokólikpen kelgeni, maldy urlap áketip soıǵany» anyqtaldy.
Zattaı aıǵaq retinde qoıdyń terisi men eti tárkilendi. Kúdiktiniń biri jýyrda úılený toıy bolatynyn, soǵan qarajat kerek bolyp torýylǵa shyqqanyn aıtty.