Prezıdenttik jastar kadr rezervine irikteý aıaqtalyp, ulttyq komıssııanyń sheshimimen 50 adam qabyldandy. Bul týraly Memlekettik qyzmet isteri agenttigi málimdedi, dep habarlaıdy Egemen.kz.
Ulttyq komıssııanyń qaraýyna jiberilgen 100 úmitkerdiń qorytyndy kezeńnen ótpeı qalǵan 50-ine óńirlik kadrlyq rezervterge ótý usynylady.
Prezıdenttik jastar kadr rezervine qabyldanǵan azamattar saıası laýazymdarǵa, «A» korpýsynyń memlekettik ákimshilik laýazymdaryna, «B» korpýsynyń basshylyq laýazymdaryna taǵaıyndalýy múmkin. Rezervte bolý merzimi – 3 jyl.
Iriktelgen kandıdattar tizimi pkrezerv.gov.kz. saıtynda jarııa etildi.