Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary keńeıtilgen otyrysta jer qoınaýyn paıdalaný jáne ekologııa máseleleri týraly qujat jobasyn talqylady.
Senatorlardyń aıtýynsha, qujat jer qoınaýyn paıdalaný jónindegi operasııalardy júrgizýdi jaqsartýǵa, atap aıtqanda, geologııalyq barlaý jumystaryna is júzinde jedel kóshýge, barlyq saraptamanyń merzimin qysqartýǵa, rásimder boıynsha ákimshilik shyǵyndardy 2 eseden astam joıýǵa múmkindik beredi.
Qujatta sonymen qatar ýákiletti organnyń jer qoınaýyn zerdeleý jónindegi KazRC standartyna sáıkes daıyndalǵan esepterdi tekserý múmkindigin saqtaý, resýrstar men qorlar 25 paıyzdan astamǵa tómendegende ýákiletti organnyń paıdaly qatty qazbalar ken oryndaryn barlaý jónindegi eń tómengi talaptardy belgileýi, jer qoınaýy jáne jer qoınaýyn paıdalaný jónindegi esep-qısapta dál emes málimetti jasyratyn nemese kórineý usynatyn adamdardyń jaýapkershiligin kúsheıtý týraly túzetýler usynylǵan.
Otyrys qorytyndysy boıynsha depýtattar zańdy Palatanyń qaraýyna jiberý týraly sheshim qabyldady.