«Áýlıeata» serııasy jaryq kórdi

О́ńir basshysy Erbol Qa­ra­shókeev baıandy bastama­ny aıaǵyna deıin jetkizdi. Bıýd­jetten bólingen qarajatqa Qa­zaqstan Jazýshylar odaǵynyń óńir­degi músheleriniń jáne bir­neshe avtordyń poezııa, proza jan­ryndaǵy jınaqtary ja­ryq kórdi. Joba aıasynda qalam­gerlerge qalamaqy berilmek.

Kitaptardyń tusaýkeserine qa­tysqan oblys ákimi Erbol Qara­shókeev aldaǵy ýaqytta da qalamgerlerdi qoldaý maq­satynda birqatar jumystar qolǵa alynatynyn aıtty. Is-shara barysynda Erbol Qarashókeev zııaly qaýym ókilderi aıtqan mańyzdy usynystardy zerdelep, mádenıet, rýhanııat ba­ǵytyndaǵy ózekti máselelerdi talqylady.

Kezdesýde óńirde áde­bı orta qurý, bilim men máde­nıet oshaqtarynyń sanyn art­ty­rý, qalamgerlerdiń shyǵar­ma­shylyǵyn kópshilik arasynda na­sı­hattaý sekildi máseleler kó­terildi.

Jambyldyq qalamgerlerdiń jınaqtaryn basyp shyǵarǵan «Abaı» baspasynyń dırektory, aqyn Aqberen Elgezek «Áýlıeata» serııasy jobasyn iske asyrý, aqyn-jazýshylardyń qalamaqysyn retke keltirý týraly pikirin ortaǵa saldy.

Erbol Qarashókeev barlyq utymdy usynys-pikirlerdi qol­dap, olardyń mindetti túr­de nazarǵa alynatynyn aıtty. Sondaı-aq ol óz sózinde «Áýlıeata» serııasy aıasynda kitaphana qoryn molaıtý, kitap­tardyń elektrondyq nus­qa­syn jasaý isine kóńil bólý qa­jet­tigine toqtalyp, mahabbat rámi­zine aınalǵan Qarahan men Aısha bıbige arnap poema, roman ja­zylsa, fılm túsirýge qoldaý kórsetýge nıetti ekenin jetkizdi.

Taraz