Nıderland Koroldiginiń Herenven qalasynda hokkeıden 18 jasqa deıingi qyzdar arasyndaǵy álem chempıonatynyń jalaýy jelbiredi.
II dıvızıonda synǵa túsip jatqan Qazaqstan quramasy kezekti oıynynda Túrkııanyń qaqpasyna jaýapsyz 6 shaıba salyp, iri jeńiske jetti. Jerlesterimiz sapynan oıyn bastala sala 1,40 sekýndta Iаkovleva alǵashqy shaıbany qarsylastar qaqpasyna toǵytsa, araǵa 17 sekýnd salyp Zýbkova (1,57 sekýnd) esepti eselep, match taǵdyryn sheship tastady. Al 13 mınýt 46 sekýndta Krýholskaıa esepti 3:0-ge jetkizdi. Ekinshi kezeńde Zýbkova, Hohlova jáne Rakovskaıanyń mergendigimen kózge tústi.
Osy jeńistiń arqasynda elimizdiń hokkeıshileri A tobynan pleı-offqa shyǵý múmkindigin nyǵaıta tústi. Aıta keteıik, buǵan deıin qyzdarymyz 1-týrda Ulybrıtanııaǵa 0:4 esebimen esesi ketken bolatyn.
Qazaqstannyń qyzdar komandasy aldaǵy kúnderi Latvııa (18 qańtar), Qytaı (20 qańtar) jáne Nıderlandqa (21 qańtar) qarsy muzaıdynǵa shyǵady.