Búgin Astana qalasy Baıqońyr aýdanynda jeke turǵan bir qabatty qoıma órtendi, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
TJM málimetinshe, órt sóndirýshiler oqıǵa ornyna saǵat 07.20-da attanǵan. Olar jetken ýaqytta bir qabatty qoıma tolyǵymen órtke oranyp jatty. О́rttiń aldyn ala aýmaǵy 1000 sharshy metrdi quraıdy.
«О́rt kezinde ǵımarattyń aldyńǵy qabyrǵasy men shatyry qulady. Oqıǵa ornynda úsh jaýyngerlik ýchaske quryldy. О́rt sóndirý jumystaryna jeke quramnyń 70-ke jýyq adamy, 15 tehnıka jumyldyryldy», delingen habarlamada.