Mereke kúnderi elordalyq emhanalar men aýrýhanalar shtattyq rejımde jumys isteıdi. Elordalyq stasıonarlar óz belsendiligin tómendetpeı, qala turǵyndaryn táýlik boıy qabyldaıdy. Rezervtik beıindi palatalardy bólý arqyly shuǵyl medısınalyq kómek kórsetýge tolyq daıyndyq qamtamasyz etildi, dep habarlaıdy Egemen.kz Astana ákimdiginiń resmı saıtyna silteme jasap.
Alǵashqy medısınalyq-sanıtarlyq kómek uıymdarynda kezekshi dárigerler saǵat 8:00-den 18:00-ge deıin qabyldaıdy. Fıltr-kabınetter 8:00-den 20:00-ge deıin, al aktıvter men qońyraýlardy qabyldaý 8:00-den 16:00-ge deıin jumys isteıdi.
103 qyzmeti dıspetcherler men jedel járdem brıgadalarynyń úzdiksiz jumysyn jalǵastyrady. О́tinishter men qońyraýlardy qabyldaý 24/7 júzege asyrylady.