Reseıdiń Máskeý qalasynda ornalasqan «Krokýs sıtı holl» konsert zalynda bolǵan lańkestikke qatysy bar segizinshi kúdikti ustaldy, dep habarlaıdy Egemen.kz.
Kúdikke ilingen Qyrǵyzstan azamaty Álisher Qasymov lańkesterdiń josparynan beıhabar bolǵanyn aıtyp otyr. Tergeý málimetterine qaraǵanda, ol ustalǵan kúdiktilerge páterdi jalǵa bergen. Qasymovtyń sózinshe, ol «Avıto» qosymshasynyń qyzmeti arqyly ǵana olarmen baılanysta bolǵan.
Eske sala keteıik, keshe Máskeýdiń Basmanskıı sotyna taǵy úsh kúdikti jetkizilgen edi. Olardyń biri Dılovar Ismolov terrorısterge deldal retinde kómektesti degen aıyppen ustaldy. Sondaı-aq ol ustalǵandar mingen «Reno» kóliginiń túpki ıesi bolyp shyqty.
Oǵan qosa Dılovardyń 62 jastaǵy ákesi Isroıl Ismoılov pen onyń 33 jastaǵy aǵasy Amınchon Salomov qamaýǵa alyndy. Olar taǵylǵan aıyppen kelispeı otyr.
Tergeýshilerdiń nusqasy boıynsha, Dılovar men Amınchon 24 naýryzda qamaýǵa alynǵan Shamsıddın Farıdýnıdi qylmystyq topqa tartqan.
Eske salaıyq, 22 naýryzda Máskeýdegi «Krokýs sıtı holl» konsert zalynda terakt boldy. Belgisiz bireýler kúzetshilerge, keıin foıedegi kórermenderge oq jaýdyrǵan. Qaza tapqandar sany júzden asty.