AQTО́BE. 10 qańtar. Aqtóbelik polıseıler «Qaýipsiz jol» aksııasynyń úsh kúninde 21 mas júrgizýshini ustady. Bul týraly egemen.kz tilshisi habarlady.
Oblys aýmaǵynda «Qaýipsiz jol» jedel-profılaktıkalyq is-sharasy ótkizilýde. Is-sharanyń maqsaty – oblys joldarynda kólik apatyn azaıtý. Ishki ister departamenti ákimshilik polısııa basqarmasynyń qyzmetkerleri kúsheıtilgen nusqada qyzmet atqarýda. Is-shara barysynda olar jol qozǵalysy erejesin óreskel buzǵandardy, onyń ishinde kólikti mas kúıinde júrgizgenderdi anyqtaýǵa baǵyttalǵan reıdter uıymdastyratyn bolady.
Profılaktıkalyq is-sharanyń úsh kúninde ákimshilik polısııa ınspektorlary jol qaýipsizdigi erejeleri buzylýynyń 1287 faktisin tirkedi. Onyń ishinde 21 júrgizýshi kólikti mas kúıinde júrgizgen, 79-y jyldamdyqty asyrǵan, 220 júrgizýshi kólik basqarý kezinde uıaly telefon qoldanǵan. Sondaı-aq 149 jaıaý júrginshi kósheni belgilenbegen jerlerden ótip jol qaýipsizdigi erejelerin buzǵan.
Satybaldy Sáýirbaı.
Derek: egemen.kz.
Sýret: nur.kz.