Elimizde «Aqyl Battle CUP – 2024» dástúrli respýblıkalyq zııatkerlik saıysyna tirkeý bastaldy. Bilim men birlik arqyly memlekettik tildi nasıhattaýǵa arnalǵan saıystyń alǵashqy kezeńi 21-23 mamyr aralyǵynda ótedi. Igi isti Mádenıet jáne aqparat mınıstrligi uıytqy bolýymen, Azamattyq bastamalardy qoldaý ortalyǵynyń «Til taǵdyry – el taǵdyry» jobasy aıasynda «Bolashaq Qazaqstanǵa» qoǵamdyq stýdenttik birlestigi uıymdastyryp jatyr, dep habarlaıdy Egemen.kz.
Saıystyń I kezeńi «Aqyl Battle» mobıldi qosymshasynda ótedi. Búginde bul mobıldi qosymsha jasóspirimder men jastar arasynda qazaq tilinde oqý baǵdarlamasyn meńgerý quralyna aınalyp úlgerdi. Onda azamattardyń oılaý órisin keńeıtý maqsatynda qazaqtyń salt dástúri men ádebıeti, tarıhy nasıhattalady. Oǵan qosa jas býynnyń bos ýaqytyn tıimdi ótkizýge baǵyttalǵan.
- «Aqyl Battle CUP-2024» Qazaqstannyń mádenıeti men tiline tereńirek úńilýdiń jańa stıli. Mundaı zııatkerlik oıyndar rýhanı qundylyqtar men patrıotızmniń qalyptasýyna yqpal etedi. Bizdiń jobada qatysýshylar tek jeńis úshin ǵana emes, jańa bilim úshin de saıysqa túsedi. «Aqyl Battle» mobıldi qosymshasynda 35-ten astam kategorııa boıynsha 12 myńnan astam suraq bar. 14-35 jas aralyǵyndaǵy jastarǵa arnalǵan ıntellektýaldy komandalyq oıynnyń alǵashqy irikteýi osy mobıldi qosymshada onlaın ótedi. Kelesi kezeńge, ár aımaqtan tıisti upaı jınaǵan 30 qatysýshy (jalpy 600 jas) joldama alady. Ekinshi kezeń tótenshe jaǵdaılar (TJ) oryn alǵan aımaqtarda onlaın, al basqa aımaqtarda oflaın quiz formatynda uıymdastyrylyp, respýblıka boıynsha jeńimpaz 20 komanda Grand-fınalǵa joldama alady, – dedi «Bolashaq Qazaqstanǵa» QQ tóraǵasy Bıbinur Sherbaeva.
Jobanyń sheshýi kezeńi elordada uıymdastyrylmaqshy. Saıys barysynda jobanyń tanymaldyǵyn arttyrý maqsatynda komandalar arasynda «Kreatıvti komanda» saıysy da qosylady. Jalpy júlde qory 3 600 000 teńgeni quraıdy.