Paıdaly qazbalardy zańsyz tasymaldaǵan 164 júk kóligi «Túrkistan» aıyppul turaǵyna qoıylǵan, dep habarlaıdy Egemen.kz Polisia.kz saıtyna silteme jasap.
Túrkistan oblysynda jer qoınaýyn zańsyz paıdalanýdyń aldyn alý maqsatynda reıdtik-profılaktıkalyq is-sharalar jalǵasyp jatyr. Júrgizilgen reıdter nátıjesinde 164 júk kóligi men 17 arnaıy tehnıka aıyp turaǵyna jóneltilgen. Onyń ishinde 92 Howo jáne 72 KamAZ, sondaı-aq 8 ekskavator men 9 júk tıegish bar.
Sonymen qatar Saýran aýdanynda 24 saǵat ishinde jer qoınaýyn zańsyz tasymaldaýdyń bes faktisi anyqtalǵan. Nátıjesinde barlyq júk kólikteri aıyp turaǵyna qoıylyp, jınalǵan materıaldar ákimshilik jaýapkershilikke tartý úshin ekologııa departamentine jiberilgen.
Aıta keteıik, jyl basynan beri oblysta «Jer qoınaýyn óz betinshe paıdalaný» boıynsha tórt qylmystyq is tirkelgen. Budan bólek, jer qoınaýyn zańsyz paıdalanýdyń 150 faktisi boıynsha barlyq jınalǵan qujattar «Jer qoınaýyna memlekettik menshik quqyǵyn buzý» baby boıynsha ekologııa departamentine joldanǵan.