Jyl jylystaǵan saıyn álem elderi jańartylǵan energııa kózderin damytýǵa basymdyq berip otyrǵany belgili. Ǵalymdar jasyl energııanyń úlesi shırek ǵasyrdan keıin 35 paıyzǵa jetip jyǵylatynyn ashyq aıtyp júr. Sodan da bolsa kerek, óńirde jańartylǵan energııa kózderin arttyrýǵa aıryqsha den qoıylyp otyr.
Rasynda, jańartylǵan energııa kózderiniń ýaqyty kelgende tolyq ústemdik quratynyna eshkimniń talasy joq. Biraz jyl buryn bilek sybanyp iske kirisken jambyldyqtar qazirgi tańda júıeli jumystyń nátıjesin kórip otyr. Árıne, «jasyl energııany» órkendetýge den qoıǵan óńirde atqarylar is az emes.
О́ńirde kún, jel, sý elektr stansalaryn ornatý jumystary talapqa saı júrgizilip jatyr. Máselen, Jýaly aýdany aýmaǵynda ornalasqan «Burnoe Solar-1», «Burnoe Solar-2» jaýapkershiligi shekteýli seriktestigi Ortalyq Azııadaǵy eń iri nysandardyń qataryna engen. Qazir óńirdiń maqtanyshyna aınalyp otyr.
Jalpy, jańartylǵan energııa kózderin órkendetý máselesi Memleket basshysynyń nazarynan tys qalǵan joq. Prezıdent «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda osy baǵyttaǵy jumysty ary qaraı sátimen jalǵastyrýdyń mańyzy zor ekenin atap ótken bolatyn. О́ńirde on jyldan astam ýaqyt buryn bastalǵan jumys qazirgi kezde qarqyndy túrde jalǵasyp jatyr. Oblys ákimdigi baspasóz qyzmeti keltirgen derekke júginsek, 2028 jyly óńirdegi jańartylǵan energııa kózderin óndiretin stansalardyń sany 25-ke jetip, jalpy qýaty 2,5 GVt quraıdy eken. Álbette, bul kórsetkishke jetý úshin óńirge birneshe áleýetti ınvestordyń tartylatyny anyq.
Jambyl oblysynda qazirgi kezde jalpy qýaty 551,3 MVt quraıtyn 22 JEK jumys istep tur. Onyń 6-aýy – sý elektr stansasy (24,4 MVt), 10-y – jel elektr stansasy (275,6 MVt), qalǵan 6-aýy kún elektr stansasy (251,2 MVt) ekenin aıta ketken jón.
Kórsetkishti shamamen 4-5 esege deıin arttyrý, árıne, ońaı jumys emes. Ol úshin salaǵa jaýapty mamandar 2028 jylǵa deıin tynymsyz jumys isteýi kerek. Qazirgi kezde jergilikti atqarýshy bılik jańartylǵan energııa kózderin alatyn stansalar salýǵa basymdyq berip otyr. Kún, jel, sý elektr stansalaryn salýǵa qoldan kelgenshe jaǵdaı qarastyrylǵan. Jergilikti bılik osy baǵyt boıynsha qolǵa alynatyn ınvestısııalyq jobalarǵa múmkindiginshe qoldaý bildirýge nıetti.
Oblys ákimdigi baspasóz qyzmeti keltirgen derekke sensek, aldaǵy jyldary JEK boıynsha 3 iri jobany iske asyrý kózdelgen. Naqtyraq aıtsaq, Moıynqum aýdanynda «Total Eren» kompanııasy tarapynan qýaty 1 GVt quraıtyn jel elektr stansasy; «Masdar» (BAÁ) kompanııasymen Sarysý jáne Talas aýdandarynda qýaty 500 MVt jel elektr stansasy jáne «China Power International Holding Limited» kompanııasymen qýaty 500 MVt jel elektr stansasyn salý boıynsha naqty jumys qolǵa alynbaq.
Qazir Jambyl oblysy jańartylǵan energııa kózderi stansalarynyń jalpy qýaty turǵysynan elimiz boıynsha kósh bastap tursa, nysandar sany boıynsha ekinshi orynǵa jaıǵasqan. Munyń barlyǵy jyldar boıy atqarylǵan jemisti jumystyń nátıjesi ekeni anyq.
Jambyl oblysy