Oqýshylar qýanyshqa bólendi

Dálirek aıt­qan­da, Astana qa­la­synda eki aýy­­­symda 4 myń oqýshyǵa ar­­nal­ǵan on birinshi «Jaıly mektep» paıdalanýǵa berildi. Bul bilim ordasy «Úrker» turǵyn alabynda orna­lasqan. Jańa oqý oshaǵy bas sha­hardaǵy oqýshy orny tapshy­ly­ǵyn sheshýge septigin tıgizbek. Osy «Jaıly mektep» ulttyq jobasy aıasynda 2026 jylǵa deıin elordada 24 mektep salynady dep jos­parlanyp otyr.

Sondaı-aq Túrkistan oblysyn­daǵy Eńbekshi Dıhan men Mankent aýyl adamdary úshin aq túıe­niń qarny jaryldy. Bul qos eldi mekende eki jańa mektep boı kóterdi. Bilim ordasynyń biri – Prezıdent bastamasymen júzege asyp otyrǵan «Jaıly mektep» ulttyq jobasy aıasynda salyndy. Atalǵan mektep 600 oqýshyǵa arnalyp, zamanaýı qaýipsizdik talaptaryna sáıkes ke­le­tin barlyq qural-jab­dyq­pen qamtylǵan. Aıta keteıik, bul – Túr­­­kistan oblysynda beril­gen ekinshi «Jaıly mektep».

Al Batys Qazaqstan oblysynyń ortalyǵy Oral qalasynda 400 oqý­shy­ǵa arnalǵan jańa mektep oqýshylarǵa esigin aıqara ashty. Munda balalar shyǵarmashylyǵyn damytý men demalýǵa arnalǵan keńistikter, sondaı-aq jeke shkaftar qarastyrylǵan. Budan bólek, sport jáne akt zaldary, kitaphana, ashana, sheberhana jáne 36 pándik kabınet bar. Buǵan qosa Qostanaı oblysynyń Qos­tanaı jáne Arqalyq qala­la­rynda mem­le­ket­tik eki jańa bala­baq­sha­nyń len­tasy qıyldy. Bul mek­­tepke deıingi uıym­­­dar barlyq zamanaýı standarttarǵa saı jasal­­ǵan. Olar jatyn, oıyn bólmelerimen, horeo­­­grafııalyq, gımnas­tı­­kalyq, mýzykalyq jáne sport zaldarymen, pe­­da­gog-psıholog, lo­go­ped, medısınalyq, qo­sym­­­sha bilim berý ka­bı­netimen qamtylǵan.

Mereke kúni eli­mizdiń tórt óńi­rinde qo­symsha bilim berý nysandary berildi. Máselen, Aqtóbe oblysy Qarǵaly aýdanynyń Badamsha aýy­­lynda óner mektebi boı kóterdi. Onda 550-ge jýyq bala bilim alady. Qyzylorda oblysynyń Jańa­qorǵan aýdanynda Oqýshylar saraıy men О́ner mektebi esigin ashty. Munda 19 qosymsha bilim berý baǵytymen 250-den astam bala oqıdy.

Sonymen qatar Pav­lodar obly­synyń Ekibas­tuz qalasynda Mem­leket basshysynyń tapsyrmasymen salynǵan «Samǵaý» atty bala­lardyń zamanaýı shyǵar­ma­shylyq úıi paıdalanýǵa berildi. «Balalarǵa qosym­sha bilim berý júıe­siniń jańa úlgisi» ǵylymı-teh­nıkalyq baǵdar­la­ma­lary aıasynda salynǵan nysan 12 baǵyt boıynsha jetkinshekterdi oqytýǵa arnalǵan joǵary tehnologııalarmen jab­dyq­­tal­ǵan. Orta­lyq kúni­­ne 3000-ǵa deıin balany qabyldaıdy. Onyń ishinde erekshe bilim be­rý­di qa­jet etetin oqý­shy­lar da bar.