Batys Qazaqstan oblysynda «Aqjaıyq» fýtbol klýby taratylyp, ornyna «Jaıyq» atty jańa klýb qurylady. Bul jóninde oblystyq dene shynyqtyrý jáne sport basqarmasy habarlady.
О́tken jyly «Aqjaıyq» fýtbol klýby boryshkerler tizimine enip, basynan daý ketpedi. Klýb memlekettik satyp alý rásimderine qatysa almaı, 36 qyzmetker 2024 jyldyń qańtar-qazan aılary aralyǵynda jalaqysyn da ala almaǵan. Memlekettik eńbek ınspeksııasy komıtetiniń BQO departamenti qaryzdyń jalpy kólemi 65,2 mıllıon teńgege jetkenin aıtady.
«Aqjaıyq» klýbynyń quryltaıshylaryna 10 aqpanǵa deıin demeýshiler men ınvestorlar esebinen máseleni sheshýge ýaqyt berilgenimen, jaǵdaı rettelmedi. Osyǵan baılanysty oblys ákimdigi jedel shara qarastyryp, «Jaıyq» fýtbol klýbyn qurý týraly sheshim qabyldady», dedi basqarma basshysy Baqdáýlet Sábıtov klýb múshelerimen bolǵan kezdesýde.
Jańadan qurylatyn «Jaıyq» fýtbol klýby burynǵy «Aqjaıyq» oıynshylary men jattyqtyrýshylarynyń jalaqy qaryzdaryn tóleýdi óz mindetine aldy. Aldaǵy maýsymda «Jaıyq» el chempıonatynyń ekinshi lıgasynda óner kórsetedi. Sonymen qatar klýbtyń jastar quramasy QJ League (Qazaqstannyń jasóspirimder lıgasy) týrnırine qatysýy múmkin. Klýbtyń alǵa qoıǵan negizgi maqsatynyń biri – balalar men jasóspirimder fýtbolyn damytýǵa erekshe nazar aýdarý.