Tennısten Qazaqstannyń birinshi raketkasy Aleksandr Býblık AQSh-tyń Fınıks qalasynda ótken Challenger týrnıriniń fınalynda utyldy.
Fınaldyq saıysta ol brazılııalyq Joao Fonsekamen kezdesti. Bul báseke óte tartysty ótip, eki set te taı-breıkke ulasty. Desek te sheshýshi tusta shıraq qımyldaǵan Fonseka 7:6, 7:6 esebimen jeńiske jetti. Atalǵan týrnırde fınalǵa shyqqanynyń arqasynda ol ATR reıtıngtinde eki satyǵa joǵarylap, qazirgi kezde 80-oryndy ıelenip otyr.
Úzdikter tiziminde Aleksandr Shevchenko óz ornyn saqtap qaldy. Otandasymyz 98 satyǵa jaıǵasty. Al Tımofeı Skatov pen Mıhaıl Kýkýshkın ótken aptamen salystyrǵanda jaǵdaılaryn jaqsartty. Bul kúnderi olar 160 jáne 175 oryndardy enshilep tur.
Kósh basynda aıtarlyqtaı ózgeris joq. Bul rette úzdik úshtiktiń qatarynda ıtalııalyq Iаnnık Sınner, germanııalyq Aleksandr Zverev jáne ıspanııalyq Karlos Alkaras syndy sańlaqtar bar.