Básekelestikti qorǵaý jáne damytý agenttigi Fly Arystan áýe kompanııasy men Almaty halyqaralyq áýejaıyna qatysty eki bólek tergeý bastaǵanyn málimdedi, dep habarlaıdy Egemen.kz.
Monopolııaǵa qarsy organ júrgizgen monıtorıng nátıjesinde, Fly Arystan áýe kompanııasynyń bılet baǵasyn jasandy túrde kótergeni týraly zań buzýshylyq belgileri anyqtalǵan.
Sonymen qatar, Almaty halyqaralyq áýejaıy qyzmet kórsetýshi kompanııalardy tańdaý kezinde ádiletsizdikke jol berdi degen kúdikke ilingen. Buǵan deıin Agenttik áýejaı ákimshiligine eskertý jasaǵan, alaıda ol oryndalmaǵan.
Agenttik eki iske de qatysty tergeýdi jalǵastyryp jatyr. Eger zań buzýshylyqtar dáleldense, zańǵa sáıkes sharalar qoldanylatyny habarlandy.