Sybaılas jemqorlyqqa qarsy is-qımyl agenttininiń Jambyl oblysy boıynsha departamenti tarapynan memlekettik satyp alý portalyna turaqty túrde monıtorıng júrgiziledi. Atqarylǵan jumystyń nátıjesinde saladaǵy birqatar kemshilik anyqtalyp, jaýapty tulǵalar ákimshilik jaýapkershilikke tartylǵan, dep habarlaıdy Egemen.kz.
О́ńirlik kommýnıkasııalar qyzmeti alańynda BAQ ókilderimen kezdesken sybaılas jemqorlyqqa qarsy is-qımyl agenttininiń Jambyl oblysy boıynsha departamentiniń basshysy Ernar Maqajanovtyń aıtýynsha, osy jyldyń alǵashqy úsh aıynda memlekettik organdardyń 102 satyp alý jospary qaıta qaralǵan. Nátıjesinde 854 mln bıýdjet qarajaty únemdelgen.
«Memlekettik satyp alý salasyna júrgizilgen monıtorıng barysynda Merki aýdanyndaǵy birqatar aýyldyq okrýg ákimderi tarapynan zań buzýshylyqtardyń júıeli sıpaty anyqtalyp, memlekettik satyp alý sharttary negizsiz túrde bir kózden tikeleı jasasý tásilimen rásimdelgeni belgili boldy. Nátıjesinde Merki aýdanynyń 6 aýyldyq okrýgi ákimi ákimshilik jaýapkershilikke tartylyp, 12 ákimshilik quqyq buzýshylyq úshin jalpy somasy 2,3 mln teńge kóleminde aıyppul salyndy», deıdi E. Maqajanov.