Bokstan Azııa chempıonatynda qaraǵandylyq sportshylar tórt altyn, eki kúmis jáne bir qola medalǵa ıe boldy. Azııa boks konfederasııasy men Halyqaralyq boks qaýymdastyǵynyń qoldaýymen jarys Shrı-Lankada, Kolombo qalasynda ótti.
Oǵan álemniń 23 elinen sportshylar qatysty. Barlyǵy 50 medal jıyntyǵy oınatyldy: jasóspirimder arasynda 26, qyzdar arasynda 24.
Qatysýshylar eki jas sanatynda baq synasty: U22 – 18 jastan 22 jasqa deıin jáne U19 – 18 jasqa deıin.
U22 sanatynda qaraǵandylyq Jasurbek Anarbaev altyn medal jeńip aldy. Osy jas sanatynda bizdiń jerlesterimiz Gúlnar Turapbaı men Tomırıs Myrzaǵul kúmis júldege ıe boldy.
U19 jas sanatynda qaraǵandylyqtar úsh altyn medal jeńip aldy. Olar Alına Qudaıgenova, Nyǵmet Nyǵman jáne Rasýl Asanhanovqa buıyrdy. Bul sanatta Nursultan Qystaýbaı qola júldege ıe boldy.