Memleket basshysynyń tapsyrmasyna sáıkes, 2026 jylǵa qaraı elimiz aýmaǵynyń geologııalyq-geofızıkalyq zerttelýi 2,2 mln sharshy shaqyrymǵa jetýi tıis. 2024 jyly qamtý 2 014,4 myń sharshy shaqyrymdy qurady, dep habarlaıdy Egemen.kz Úkimettiń baspasóz qyzmetine silteme jasap.
2025 jyldyń birinshi toqsanynda aýqymdy zertteýler: aerotúsirilimderdi deshıfrleý, marshrýttyq túsirilim, burǵylaý, sý jáne radıasııa synamalaryn taldaý, geohımııalyq jáne kameraldyq zertteýler júrgizilgen.
Nátıjesinde paıdaly qazbalarynyń áleýeti joǵary 38 ýchaske anyqtalǵan. Boljamdy resýrstar qatarynda:
2,6 mln tonna sırek jer metaldary,
1,1 mlrd tonna qońyr kómir,
3,7 mln tonna mys jáne nıkel,
19 tonna altyn bar.
2024-2026 jyldaryndaǵy geologııalyq barlaý jumystaryna 22,83 mlrd teńge bólinip, onyń ishinde 2025 jyly 7,636 mlrd teńge ıgeriledi. 1:200 000 masshtabtaǵy: 14 tereń geokartalaý, 9 mıneragendik jáne 19 gıdrogeologııalyq jete zertteý obektileri boıynsha óńirlik jobalar jalǵasyp jatyr.
Jeke ınvestısııalar mańyzdy ról atqarady. 2018 jyldan 2024 jylǵa deıin geologııalyq barlaýǵa 424 mlrd teńge salynǵan. Al 2025 jyly 106 mlrd teńgege deıin ósedi dep kútilip otyr. Jumys kólemi boıynsha mindettemelersiz, biraq mindetti eseptilikpen jer qoınaýyn zertteýge arnalǵan jeńildetilgen lısenzııa naryqty ınvestorlar úshin qoljetimdi etedi.