Adamzat talaıdan beri ǵalamdyq jylynýdyń saldaryn sezinip keledi. Klımat ózgerip, aptap ystyq jıilep, muzdyqtar erip jatyr. Osyndaı sátte brıtandyq ǵalymdar Jerdi salqyndatýdyń tosyn ári tańǵalarlyq tásilin usyndy.
Zertteýshiler muhıt tuzyn aýaǵa shashý arqyly Kún sáýlesin keri qaıtarmaqshy. «Reflect» atty ǵylymı jobanyń maqsaty – teńiz ústindegi bulttardyń jaryqtyǵy men shaǵylystyrǵyshtyǵyn arttyrý. Ol úshin arnaıy qurylǵylar arqyly teńiz tuzynyń usaq bólshekteri aýaǵa shashylady. Bólshekter bulttardyń quramyna qosylyp, olardy «aǵartýǵa» sep bolady. Aq bulttar Kún sáýlesin kóbirek shaǵylystyryp, Jer betine túsetin jylý mólsherin azaıtady degen esep bar. Ǵalymdar zerthanalyq jaǵdaıda jáne ashyq teńizde tájirıbe júrgizýdi josparlap otyr.