Fransııada «La Bougie du Sapeur» degen erekshe gazet bar. Ereksheligi sol, bul basylym tek 29 aqpanda, ıaǵnı tórt jylda bir jaryq kóredi
Osy kúnge deıin bul gazet bar bolǵany 11 ret shyqqan eken. Soǵan qaramastan, ár nómirinde ázilge, sharjǵa, qyzyqty maqalalar men feletondarǵa toly kontent jarııalanyp turady. Taǵy bir kúlkili tusy — gazettiń ishinde krossvord ta bar. Biraq onyń jaýabyn segiz jyldan keıin ǵana kóre alasyz.
Aıtpaqshy, bul gazetti birden 100 jylǵa jazdyryp qoıýǵa da bolady. Baǵasy – 100 eýro. Bir sózben aıtqanda, ázil súıetin jandar úshin taptyrmas kolleksııalyq basylym.