Búgin «Atyraý» fýtboly klýby Premer-lıgadaǵy 14-týrdy teń oıynmen bastady, dep jazady Egemen.kz.
Munaıly óńir komandasynyń bas bapkeri Vıtalıı Jýkovskıı birneshe oıynshyny shaqyrǵan edi. Onyń alǵashqy nátıjesi «Oqjetpes» klýbymen kezdesýden baıqaldy.
Bas bapkerdiń pikirinshe, bir aptada komandany jańadan jasaqtalǵan. Aldaǵy ýaqytta klýbqa taǵy bir jańa oıynshy qosylýy múmkin.
«Komandalar arasynda teń oıyn boldy. Dop úshin kúresti, qarsylastyń qaqpasyna shabýyldy údete almadyq», dedi Vıtalıı Jýkovskıı.
«Atyraý» klýbynyń qaqpasyna qaıta oralǵan Egor Hatkevıch qorǵady. Qaqpashy buryn bul komandanyń sapynda 30-dan astam match ótkizdi. Onyń ishinde 21 oıynda qaqpasyna dop jibermegen. Búgingi kezdesýde de qarsylastyń qaqpadan sańylaý tabýyna múmkindik bermedi.
Al komanda quramynda alańda bas bapkermen birge kelgen legıonerler shyqty. Olar – belarýstik fýtbolshylar Vasılıı Sovpel, Rýslan Iýdenkov, Igor Stasevıch, chernogorııalyq legıoner Goran Mıloıko.
Sondaı-aq, reseılik 19 jastaǵy shabýylshy Konstantın Dorofeev te «Atyraýdyń» negizgi quramda alańǵa shyqty.