2025 jylǵy shilde aıynda elimizdiń áýe tasymaly salasy aıtarlyqtaı ósim kórsetip, otandyq áýe kompanııalary 1,7 mıllıon jolaýshyny jetkizdi. Bul ótken jyldyń shilde aıymen salystyrǵanda 12,9%-ǵa artyq. Atalǵan kórsetkish 2007 jyldan beri bir aıda tirkelgen eń joǵary nátıje bolyp otyr, dep málimdedi Ulttyq statıstıka bıýrosy, dep jazady Egemen.kz.
Jalpy, bıylǵy jyldyń basynan beri áýe arqyly tasymaldanǵan jolaýshylar sany 9 mıllıonǵa jýyqtady.
Saladaǵy qarjylyq túsim de artyp keledi: tek shilde aıynyń ózinde jolaýshylardy tasymaldaýdan túsken kiris 113 mlrd teńgeni qurady, bul ótken jylmen salystyrǵanda 15,6%-ǵa kóp.
Al 2025 jyldyń alǵashqy jeti aıyndaǵy jalpy tabys kólemi 500 mıllıard teńgeden asyp, jyldyq ósim 0,9%-dy kórsetti.