Balalar arasyndaǵy qatygezdik

Oqys oqıǵanyń biri Taraz qalasyndaǵy №47 mektepte boldy. Úzilis ýaqytynda 9-synyp oqýshylary ózge synyptaǵy qatarlasyn soqqyǵa jyǵypty. Keýde tustan tıgen soqqynyń saldary aýyr bolǵan. О́rimdeı jasóspirim jedel járdem jetkenshe jan tapsyrdy.

О́ńirde buryn bolǵan oqys oqıǵaǵa uqsas jaǵ­daı qaı­ta­lan­ǵa­ny qynjyltpaı qoı­maı­­dy. Osy­dan 6 jyl buryn ­mek­tep dáretha­nasyndaǵy tra­ge­dııaǵa Memleket basshysy­nyń ózi tikeleı aralasyp, sol kezdegi qala ákimi qyzmeti­nen aıyrylǵan edi. Al endi óńir­de jasópirimder ólimi jıilep ketti. Bul jaǵdaı kimdi de bol­syn tolǵandyrmaı qoımaıdy.

Oblystyq polısııa depar­tamenti bastyǵynyń orynbasary Baıjan Baıgeldiniń aıtýyn­sha, sońǵy oqıǵaǵa qatysty jedel izdestirý is-sharalary ke­zin­­de polısııa qyzmetker­leri ká­meletke tolmaǵan kúdiktini anyq­tapty. Ol ýaqytsha ustaý ızo­lıatoryna qamalǵan. Qa­zirde qylmystyq isti tolyq­qandy obektıvti tergeý maq­satynda barlyq qajetti jumys júrgizilip jatyr eken.

Iá, joǵaryda aıtqanymyz­daı, bul birinshi jaǵdaı emes. Birneshe kún buryn Shý aýdanyna qarasty Kókqaınar aýylynda da jasóspirim ómi­rimen qoshtasty. Derekke sensek, mektep oqýshylary jasyl alańda fýtbol oınapty. Joǵary synyp oqýshylary jasyl alańda jeńilistiń kermek dámin tatqan kórinedi. Polı­sııa qyzmetkerleriniń málimetin­she, jeńilgen tarap jasy kishi­lerdi jazalaýǵa bekingen. Osy­laısha, oıynnan keıingi jaǵ­­daı ýshyǵyp, tóbeleske ulas­­qan kó­rinedi. Soqqy saldarynan bir jasóspirim mert bolǵan. Al buǵan deıin jańa oqý jyly­nyń basynda Tarazdaǵy sha­ǵyn aýdannyń birinde káme­letke tol­maǵan jasóspirim py­shaq ja­raqatynan kóz jumǵan edi.

О́ńirde jasóspirimder ara­syndaǵy qylmystyń jıilep ketýine baılanysty oblys bas­shysy Erbol Qarashókeev shu­ǵyl keńes ótkizip, salaǵa jaýap beretin sheneýnikterdi synǵa aldy. Sondaı-aq ol birneshe she­neý­nikke tártiptik shara qoldaný ­týraly sheshim qabyldady.

«Jańa oqý jyly bastalǵaly beri óńirde kámeletke tol­ma­ǵandar arasynda asa aýyr qyl­mystyń jıilep ketýi jaǵdaı­dyń ýshyǵyp bara jatqanyn kórse­tedi. Bul máselege qatys­ty shuǵyl ári naqty sharalar qabyldaý qajet. Bala – bizdiń bolashaǵy­myz. Erteńimizdiń jarqyn bolýy úshin olardyń qaýipsizdigi men tárbıesine, alańsyz bilim alýyna jaǵdaı jasaýǵa tıispiz. Sizderdi tyń­dasaq, barlyq jumys júrip jatyr, aýqymdy is-sharalar atqarylyp jatyr degendi alǵa tartasyzdar. Alaı­da nátıje­sin ózderińiz kórip otyrsyzdar. Keıingi eki aptada úsh qaıǵyly jaǵdaı boldy. Demek sizderdiń jumys tásilderińiz tıimsiz bolyp tur. Oqýshylardyń tár­bıe­si jónin­de mektep, ata-ana, qoǵam úshtigi­niń ózara birlesken ju­my­syn basynan qaraý kerek. Qazir­gi bala­lar­dyń kún sa­ıyn oı-órisi ózgeris­ke ushyrap, kózqara­sy basqasha qalyptasyp jatyr. Sondyq­tan bul baǵytta­ǵy jumys tásili­miz de jańasha sıpatta qarqyn alýy kerek dep esepteımin», degen E.Qara­shókeev nátıjesiz jumystardy syn tezine alyp, salaǵa jaýap beretin birneshe sheneýnikke shúılikti.

Sondaı-aq ol buǵan deıin ózekti másele boıynsha naqty tapsyrmalar berilgenin, alaıda jaýapty tulǵalardyń qabyl­daǵan sharalarynan naqty nátı­je shyqpaǵanyn aıtty.

Eki apta ishinde óńirdegi jaǵ­­­daıdyń qatty ýshyqqanyna alań­­daǵan óńir basshysy E.Qara­shókeev oryn alǵan oqys oqı­ǵalarǵa qatysty bir­neshe she­neýnikke qatysty tár­tip­tik sıpat­­­taǵy sheshim qabyl­daýǵa máj­búr boldy. О́ńir bas­shy­sy oblys ákiminiń orynbasa­ry Serik Sálemovke – sógis, Taraz qala­synyń ákimi Baqytjan Oryn­­bekovke, Shý aýdanynyń ákimi Baqytjan Jánibekovke, oblystyq bilim basqarmasy­nyń basshysy Nurbek Orshy­bekovke, Taraz qalasy ákimi­niń áleýmet­tik salaǵa jaýapty orynbasary Ulana Slambekovaǵa, Shý aýda­ny ákiminiń orynbasary Naı­man Sultanbaevqa qatań sógis ja­rııalady.

E.Qarashókeev oblys­tyq bi­lim basqarmasynyń basshyly­ǵy­nan Taraz qalalyq jáne Shý aýdandyq bilim bólimderi­niń bas­shylarynyń, ózge de jaýapty tulǵalardyń atqaryp otyrǵan qyzmetine sáıkesti­gin qarastyrýdy talap etti. Sondaı-aq jasóspirimder ara­syndaǵy qylmystyń aldyn alý úshin shuǵyl zerdeleý tobyn quryp, tıisti jumys júrgizýdi min­dettedi. Atqarylǵan jumys bo­ıynsha Taraz qalasynyń jáne Shý aýdanynyń ákimderi jekeleı jaýap beredi.

Oblys basshysynyń aıtýynsha, ár aýyldyq okrýgtiń jeke ýchaskelik polısııa ınspektory bolýy kerek. Sondyqtan bos turǵan shtattar shuǵyl tolyq­tyrylyp, oblys aýmaǵynda tıis­ti jumys júrgizilýi qajet.

Bala quqyqtary jónin­degi óńirlik ýákil Dáýren Baǵja­novtyń aıtýynsha, osy aıdyń aıaǵynda Bala quqyǵy jónin­degi ýákil Dınara Zakıeva bastaǵan monıtorıngtik top óńirge kelip, ózekti máseleni jan-jaqty zer­deleıtin kórinedi.

Qalaı desek te, óńirde bolǵan qaıǵyly oqıǵalar kimdi de bolsa tolǵandyrmaı qoımaıdy. Úsh birdeı jasóspirimniń aıdyń-kúnniń amanynda kóz ju­mýy – orny tolmas tragedııa. Bul máse­le nazarymyzdan tys qalmaq emes.

Jambyl oblysy