El óńirlerinde egin jınaý naýqany jalǵasyp jatyr. Dándi jáne dándi-burshaqty daqyldardyń boljamdy jınaý alańy 16 mln gektardan asady. Búginde 12,7 mln gektar nemese jalpy egis alqaptarynyń 79,3%-y jınalǵan, nátıjesinde 19,8 mln tonna astyq bastyrylǵan, dep habarlaıdy Egemen.kz.
Sonymen qosa, 1,3 mln tonna maıly daqyl, gektaryna 229,2 sentner ónimdilikpen 2,4 mln tonna kartop jáne gektaryna 303,1 sentner ónimdilikpen 3,2 mln tonna kókónis jınalǵan.
Naqty ataǵanda, 324 s/ga ónimdilikpen 427,5 myń tonna qyryqqabat, 429 s/ga ónimdilikpen 897,4 myń tonna pııaz, sondaı-aq 286,8 s/ga ónimdilikpen 328,5 myń tonna sábiz jınaldy.
Naýqan – uıymdasqan túrde jáne agrotehnıkalyq talaptarǵa sáıkes merzimde júrgizilip jatyr.