Men Qostanaı qalasynda týyp-óstim. Joǵary avtomobıl kóligi kolledjinde bilim alyp, A.Baıtursynuly atyndaǵy Qostanaı óńirlik ýnıversıtetin támamdadym. Atalǵan bilim ordasynda magıstratýra bóliminde oqyp júrgenimde «Kia» zaýytynyń qurylysy bastaldy. Sol kezden-aq osyndaı zamanaýı, tehnologııalyq zaýytta jumys isteýdi armandadym.
Oqýymdy oıdaǵydaı aıaqtap, «Kia» zaýytyna ınjener bolyp jumysqa kirdim. О́z basym osyndaı álemdik bedelge ıe avtokólik óndirisinde jumys isteý ekiniń biriniń mańdaıyna buıyrmaǵan baq dep bilemin. Bul jerde avtoóndiris álemindegi eń ozyq tájirıbeni úırenip, jańa tehnologııalardy ıgerip jatyrmyz.
Jalpy, keshe ǵana oqý bitirgen kez kelgen jas túlek jalaqysy jaqsy jumys tapqysy keledi. Etken eńbegine qaraı laıyqty tabys taýyp, otbasyn quryp, úı alǵysy keledi. Ári qaraı ósip-óngisi keledi. Men qazirgi jastarǵa osy kerekterdiń bári tabylyp jatqanyna qýanamyn. Eń bastysy – maqsat qoıý kerek, sol maqsatqa jetý úshin talaptaný kerek.
Osy oraıda, Prezıdentimizdiń tikeleı qoldaýymen iske qosylǵan bul zaýytty jastardyń, bolashaqtyń zaýyty der edim. Sondyqtan ózime júktelgen jumysymdy adal atqaryp, el damýyna barynsha úles qosýdy paryz sanaımyn.
Ámir Qaraev,
«Kia Qazaqstan» zaýytynyń ınjeneri