Ǵalymdar zaǵıp jandardyń kózine ımplant ornatyp, olardyń qaıtadan oqı alýyna múmkindik berdi. Londondaǵy Mýrfılds aýrýhanasynyń hırýrgi bul operasııany bes adamǵa jasap, medısına álemin dúr silkindirdi.
70 jastaǵy Sheıla Irvın BBC-ge bergen suhbatynda qaıtadan oqı alatynyn jáne krossvord sheshe bastaǵanyn aıtty. «Bul – naǵyz ǵajaıyp! Qýanyshymda shek joq. Túrli tústi álemdi kórip turǵanyma sene alar emespin», deıdi ol. Jańa ımplant «geografııalyq atrofııa» dep atalatyn kóz aýrýymen aýyratyn adamdarǵa úmit syılap otyr. Mamandardyń aıtýynsha, osy keselge Ulybrıtanııanyń ózinde shamamen 250 myń adam, al álem boıynsha 5 mıllıonnan astam adam shaldyqqan. Endi jańa tehnologııanyń arqasynda sol mıllıondaǵan janǵa jaryq syılaıtyn kún alys emes sekildi.