2025 jylǵy 31 qazanda QR IIM Kóshi-qon qyzmeti komıtetiniń tóraǵasy Aslan Atalyqov Ortalyq kommýnıkasııalar qyzmetindegi brıfıngte bir mekenjaı boıynsha jalǵan tirkeý jaǵdaılary kóbeıgenin málimdedi, dep habarlaıdy Egemen.kz.
Bıyl elimizde myńnan astam páterde 70 myńǵa jýyq adamnyń tirkelgeni anyqtalǵan. Keıin olardyń barlyǵynyń tirkeýi joıylyp, azamattar ákimshilik jaýapkershilikke tartyldy.
Mysaly, Almaty oblysynda bir azamatsha óz páterine birden 154 sheteldikti tirkep qoıǵan.
IIM ókili mundaı zańbuzýshylyqtardyń aldyn alý úshin zańnamaǵa túzetýler engizilip jatqanyn aıtty. Endi jalǵan tirkeý jáne tirkelgen mekenjaıda turmaý faktileri úshin qazaqstandyqtarmen qatar shetel azamattaryna da aıyppul salynady.
517-bapqa sáıkes, mundaı jaǵdaıda 15 aılyq eseptik kórsetkishke deıin aıyppul qarastyrylǵan.