Almatynyń «Qaırat» komandasynyń jáne Qazaqstan quramasynyń qaqpashysy Temirlan Anarbekov Chempıondar lıgasy matchynda eń joǵary baǵa alǵan fýtbolshylar qataryna kirdi, dep habarlaıdy Egemen.kz.
Sofascore dereginshe, Anarbekov Chempıondar lıgasynyń jalpy kezeńiniń úshinshi týryndaǵy Kıprdiń «Pafos» klýbyna qarsy ótken oıynda «10» degen eń joǵary baǵaǵa ıe boldy.
Bul match Temirlan úshin jaqynda alǵan jaq súıegi jaraqatynan keıingi alǵashqy oıyn edi.
Ekinshi taımda ol naǵyz qaharmanǵa aınaldy – eki birdeı sýperseıv jasap, almatylyqtardyń qaqpasyn aman saqtap qaldy.
Qazaqstandyq qaqpashy Fermın Lopes («Barselona»), Kılıan Mbappe («Real»), Fıl Foden («Manchester Sıtı») syndy juldyzdarmen birge eń joǵary «10» baǵasyn alǵan oıynshylar tizimine endi.
Aıta keteıik, «Qaırattyń» Chempıondar lıgasyndaǵy kelesi matchy 9 jeltoqsan kúni Astanada ótedi. Klýb «Astana Arena» stadıonynda grektiń «Olımpıakos» komandasymen kezdesedi. Bıletterdiń satylymy bastalǵan.