Jylysaıdyń ajaryn ashty

Alaqandaı aýyldyń mádenı is-sharala­rynyń uıytqysyna aınalatyn zamanaýı úlgidegi bul nysannyń qurylysy ótken jyldyń kúzinde qalana bastaǵan. Jalpy aýmaǵy 1 500 sharshy metrdi quraıtyn ǵıma­rattyń talapqa saı boı kóterýine bıýdjetten 1 mlrd 25 mln teńge bólingen.

Sonadaıdan kóz tartarlyq mádenıet úıinde kórkemóner, boks, shahmat, kúres, basqa da sporttyq úıirmelerge arnalǵan arnaıy bólmeler men kitap­hana jasaqtalǵan. Onda júzden astam aýyl balasynyń óne­rin ushtap, bıikke samǵaýyna jan-jaqty jaǵdaı jasalǵan. Ǵımarattyń saltanatty ashylýyna oblystyq máslıhat­tyń tóraǵasy Qýat Baıǵo­jaev, aýdan ákimi Nurbaqyt Teńiz­baev, qoǵam qaırat­keri Beksyr­ǵa Danyshpanov, sondaı-aq óner janashyrlary men aýyl turǵyn­dary qatysty.

«Bul mádenıet úıi – aýyl rý­hanııa­tynyń jańa ordasy, óner men shyǵarmashylyqty órkendetetin, jas urpaqtyń talantyna jol ashatyn mańyz­dy nysan. О́ıtkeni aýyl­da qaladaǵy sııaqty jeke-jeke seksııalar ashýǵa múmkin­dik joq. Sondyqtan bári máde­nıet úıine shoǵyrlanǵan. Aýdan­da halyq teatry jumys isteıdi. Aýyldarǵa shyqqan gas­trol­dik saparlarda teatr ónerin tamashalaýǵa osyndaı ǵımarattyń joqtyǵy qıyn­dyq týdyratyn edi. Endi mine, aǵaıynnyń mádenı is-sharalardan shet qalmaýyna jaǵdaı jasalyp otyr»,  deıdi Kegen aýdandyq mádenıet úıiniń dırektory Erkebulan Nurbaıuly.

О́nerpazdar ónerin usynýǵa qolaıly sahna jasalyp, ol zamanaýı qondyrǵylarmen jabdyqtalǵan. Sonymen qatar mamandarǵa arnalǵan birneshe qyzmettik bólme bar. Tipti ashyq aspan astynda túrli mádenı shara ótkizýge arnalǵan alań da jabdyqtalǵan.

Bıyl kerege taýly Kegen aýdanynda 3 mádenıet úıi paı­da­lanýǵa berildi. Al aldaǵy jyly ta­ǵy da qos ǵımarat­tyń qu­­ry­lysyn bastaý jospar­lanǵan.

Mádenıet úıiniń ashylý saltanaty folklorlyq ansambl men aýdan ónerpazdary­nyń konsert baǵdar­lamasyna ulasyp, turǵyndardyń qýany­shyn asyrdy.

Almaty oblysy,

Kegen aýdany