Syrtqy ister mınıstri Erlan Ydyrysov Meksıka Parlamenti Senaty komıtetiniń tóraıymy, Ulttyq qozǵalys partııasynyń múshesi Gabrıela Kýevaspen kezdesti, dep habarlady QR SIM-niń baspasóz qyzmeti.
Kezdesý barysynda taraptar ekijaqty yntymaqtastyqtyń qazirgi ahýaly men bolashaq damýy máselelerin talqylady. Qazaqstan SIM basshysy atap kórsetkendeı, olar ilgerilemeli túrde jańa deńgeıge ótti. «Oǵan dálel retinde ústimizdegi jyly Meksıka Úkimetiniń Astanada elshiligin ashýy bolyp tabylady, óz kezegimizde biz atalǵan máselege barynsha járdemdesýge daıynbyz», – dep atap ótti E. Ydyrysov.
Sonymen qatar, Qazaqstan syrtqy saıasat vedomstvosynyń basshysy munaı-hımııa, mashına jasaý, ken óndirý, metallýrgııa, toqyma jáne tamaq ónerkásibinde Meksıkamen tyǵyz baılanystyń odan ári damýyna múddeli ekenin baıandap ótip, meksıkalyq jetekshi kompanııalardy aýyl sharýashylyǵy men azyq-túlik óndirisinde qazaqstandyq bıznespen yntymaqtastyqqa shaqyrdy.
Qazaqstannyń DSU-ǵa múshe bolýy jónindegi kelissózderdiń aıaqtalýyn eskere otyryp, E.Ydyrysov Prezıdent N.Nazarbaevtyń aldaǵy kúzge josparlanǵan Meksıkaǵa sapary barysynda Qosarlanǵan salyq salýdy boldyrmaý jónindegi konvensııa men О́zara ınvestısııalardy qorǵaý týraly kelisimge qol qoıýdy, sondaı-aq, meksıkalyq vızany elektrondyq rastaý júıesine Qazaqstandy qosý máselesin qarastyrýdy usyndy.
Kezdesý sońynda mınıstr Meksıkanyń Qazaqstannyń 2017-2018 jyldardaǵy BUU Qaýipsizdik Keńesine turaqty emes músheligin qoldaǵany úshin alǵysyn bildirdi. Sondaı-aq, Qazaqstannyń Meksıkanyń BUU Qaýipsizdik Keńesindegi tájirıbesin zertteýge yntaly ekenin málimdep, «múshelikke saılaný – memleketimizdiń syrtqy saıası baǵytyndaǵy mańyzdy máselelerdiń biri» bolyp tabylatynyn atap kórsetti.
О́z kezeginde G.Kýevas Meksıka Qazaqstannyń eldegi jáne halyqaralyq arenadaǵy tabystaryn muqııat baqylap otyrǵanyn jáne ekijaqty yntymaqtastyqty túrli salada keńeıtýge, kópjaqty pishimde ózara yqpaldasýdy jańartýǵa nıetti ekenin aıtty.