Aqyldy robottar qazirdiń ózinde zaýyttarǵa kire bastaǵanymen, adam eńbegin tolyq almastyratyn deńgeıge áli jetken joq. Muny osyndaı robottardy shyǵaratyn iri kompanııalardyń biri UBTech ókilderi málimdedi.
Kompanııanyń baǵalaýynsha, búgingi aqyldy robottardyń tıimdiligi 30–50 paıyz shamasynda. Iаǵnı olar óndiriste tek eń qarapaıym jumystardy atqarady. Mysaly, jáshik qoıý, zat jınaý, taýardy syrttaı tekserý sııaqty qaıtalanatyn operasııalar. Sarapshylardyń aıtýynsha, robot keı jaǵdaıda adamnan baıaý jumys isteıdi. Keıde tipti úderiske kedergi keltirýi múmkin. Soǵan qaramastan, kásiporyndar aqyldy robottardy óndiriske engizýdi toqtatpaı otyr. «Munyń sebebi árdaıym naqty qajettilik emes. Kóbine «bizde de osyndaı robot bar» degen bedelge bola jasalady», deıdi UBTech ókilderi.