Birden 4 buzaý týdy

Estimegen elde kóp. Tosyn jańalyq jaqynda Baızaq aýda­nyndaǵy Qostóbe aýylyn­da oryn aldy. Osy aýylda tu­ra­tyn Tımýr Dervısh pen Meı­ram­ Abdýl­lazeniń baǵyp otyr­ǵan ­sıyry bir kúnde tórt buzaý týdy. Buǵan tek sıyr ıeleri ǵana emes, búkil aýyl turǵyn­dary tańdanyspen qaraý­da. Istiń mán-jaıymen aýyldyń veterınar dárigeri Sembek Qash­qyn­baev ta qanyǵypty. Mal dári­geriniń aıtýynsha, tól­derdiń de, olardyń enesiniń de densaýlyǵynda esh kinárat joq. Biz tórtem týǵan sıyrdyń ıelerin áńgimege tartqany­myz­da: «Osy ómirimde mundaı jaǵdaıdy birinshi márte kó­rip turmyn. Sıyrymyzdyń tól­deıtin ýaqyty taıap qalǵan bolatyn. Alaıda, birden tórteýin buzaýlaıdy dep oılamappyz. Alǵashynda ekeý, araǵa mınýttar salyp úshinshi, sosyn tórtinshisi dú­nıege keldi. Maýsym aıynyń basynda týǵan buzaýlardyń qazirgi tańda jaǵdaıy jaqsy. Oınaqtap sekirip júr. Tábetteri de jaman emes. Qaıdan bileıin, qudaıdyń qalaýy shyǵar. Alaıda, qaı nárseni bolmasyn jaqsylyqqa balaıtynymyz bar ǵoı. Buzaýdyń úsheýin tirideı taratyp berip jatyrmyn. Qalǵan bireýin ózim baǵyp-qaǵamyn dep sheshtim», – deıdi M.Abdýllaze. Bir mezette birneshe buzaý týǵan sıyr tek munysymen ǵana emes, bir saýǵanda 25 lıtr sút beretindigimen de erek­shele­ne­di eken. Aıdana QAIYPNAZARQYZY.