Atyraý oblystyq perınataldyq ortalyǵynda Maqat aýdanynyń 29 jastaǵy turǵyny úshem bosandy, dep habarlaıdy Egemen.kz.
Oblystyq densaýlyq saqtaý basqarmasynyń deregine súıensek, ata-anasy úshemdi Qymbat, Symbat jáne Qaraqat esimimen atady. Úshemniń salmaǵy birdeı emes. Onyń biri – 1 921, ekinshisi – 2 275, al úshinshisi – 2 204 gramm. Olardyń boıy 44-45 sm aralyǵyn quraǵan.
«Bul otbasy osy kezge deıin bir ul jáne eki qyz tárbıelenip kelgen. Úshemniń dúnıege kelýimen shańyraqtaǵy bala sany altaýǵa jetti. Oblysta úshemniń dúnıege kelýi sırek kezdesedi. Sońǵy ret úshem 2024 jyly tirkeldi. Al byltyr oblysa 13 906 sábı dúnıege keldi», dep habarlady basqarmanyń baspasóz qyzmeti.
Buǵan deıin, 30 qańtar kúni Shymkent qalalyq perınataldyq ortalyǵynda úshem dúnıege keldi. Úshem 11 táýlik ortalyq dárigerleriniń baqylaýynda bolyp, keshe úılerine shyǵarylǵan.