Dúnıejúzilik saýda uıymyna múshe bolýymyz bizdiń ujymdy da úlken qýanyshqa bóledi. Shyndyǵyn aıtqanda, kópten bergi tileýimiz de osy edi. О́ıtkeni, álemniń birneshe elinde patenttelgen, sonyń ishinde zor suranysqa ıe «Arglabın» dárisiniń keń aýqymda tanylýynda kedergiler kezdespeı qalmaı júretin. Naryqtyq básekede tanymal sheteldik fıtopreparattardyń birazynan shıpalyq qasıeti jaǵynan kem soqpaıtyn dári-dármekterimizdi talǵampaz tutynýshylardyń tańdap ala alýyna jol ashylýy otandyq farmasevtıka óndirisin jańa kókjıekterge bastaıtyndyǵymen kóńil ósiredi. Osynaý uıym beretin artyqshylyqtardy paıdalana bilýge qushtar edik, endi sáti túsip otyrýy is-izdenisterdi odan saıyn eseleýge umtyldyrady.
Qazir bizde jahandyq naryq talaptaryna saı bolýǵa tolyq jaǵdaı bar deýge bolady. Aýrýlardyń birneshe túrlerin emdeýge qoldanylatyn dárilerdi keń kólemde jasaıtyn óndiristik býyn qalyptasty. Jumysymyzdy jaqsy biletin Elbasynyń tikeleı qamqorlyǵy arqasynda úsh iri seh iske qosyldy. Zamanaýı medısınalyq qural-jabdyqtar ónimderdiń sapaly ári kózge túsimdi óndirilýine múmkindik berip otyr. Iriktelip alynǵan mamandardyń kásibı sheberligi joǵary deńgeıde. Jergilikti tabıǵı ósimdikterden daıyndalatyn dárilik zattarǵa shıkizat jetkilikti. Olar da ózimizde jasalady. Iаǵnı, naǵyz farmasevtıkalyq biregeı ortalyq retinde alysqa tanyla alamyz. Maqsatymyz da osy. О́nimderi ótimdi ozyq kásiporyndardyń qatarynan laıyqty oryn alatynymyzǵa senemiz.
Qazaqstanymyzdyń ortaq jetistigine tileýles bolǵandyqtan basqa salalardyń da básekege daıyn bolýyn oılaımyz. Alaıda, oǵan bári birdeı saqadaı-saı emestigi ókintedi. Qıyndyqtarǵa tap bolýshylar az bolmaıtyn tárizdi. О́mir kóndirmeıtin, úıretpeıtin jaǵdaı joq desek, bul synaqtan da óte bilýimiz kerek. Elimizdiń ósip-órkendeýine jol ashar jańa qadamǵa úles qosýǵa qajymas umtylys qajet.
Borash Tileýov,
Qaraǵandy qalasyndaǵy halyqaralyq ǵylymı-óndiristik «Fıtohımııa» holdınginiń zerthana meńgerýshisi, hımııa ǵylymdarynyń doktory.
QARAǴANDY.