Jańa onlaın servısti Ishki ister mınıstrliginiń Aqparattyq-óndiristik ortalyǵy, Jasandy ıntellekt jáne sıfrlyq damý mınıstrligi Kaspi.kz komandasymen birlesip ázirlegen, dep jazady Egemen.kz.
Kaspi.kz-tiń teń quryltaıshysy ári basshysy Mıhaıl Lomtadze avtokólik ıelerine arnalǵan servıske qatysty oń pikirler jazylyp jatqanyn atap ótti.
«Kaspi.kz sýperqosymshasy arqyly avtokólikti qaıta tirkeýge, júrgizýshi kýáligin aýystyrýǵa, kólikti kepilge qoıýǵa nemese kepilden shyǵarýǵa bolady. Endi qosymshada tehnıkalyq pasportty aýystyrý qyzmeti de qoljetimdi bolyp otyr. Adamdarǵa kúndelikti máselelerin tez ári ońaı sheshýge kómektesetin servısterdi jasaǵanymyzǵa qýanyshtymyz. Qoldanýshylar qazir qosymshany paıdalanyp, jaǵymdy pikirlerin jetkizip jatyr. Yntymaqtastyq úshin memlekettik organdarǵa jáne bizben birge bolǵan árbir tutynýshyǵa alǵys aıtamyz», dedi Mıhaıl Lomtadze.
Endi merzimi ótken júrgizýshi kýáligin onlaın aýystyrýǵa bolady
Jasandy ıntellekt jáne sıfrlyq damý vıse-mınıstri Rostıslav Konıashkın atalǵan servısti iske qosý –tanymal qyzmetterdi onlaın formatqa kóshirý jáne memlekettik servısterdi azamattar úshin barynsha yńǵaıly etý baǵytyndaǵy júıeli jumystyń bir bóligi ekenin aıtty.
HQKO-larda kezek azaıdy: Qandaı qyzmetterdi onlaın alýǵa bolady?
«Kaspi.kz qosymshasynda tehnıkalyq pasportty aýystyrý qyzmetiniń iske qosylýy – memleket pen bıznestiń birlesken jumysy qyzmet alý ýaqytyn qysqartyp, Halyqqa qyzmet kórsetý ortalyǵyna (HQKO) barý qajettiligin azaıtady. Bizdiń mindetimiz – suranysqa ıe qyzmetterdiń basym bóligin birneshe batyrmany basý arqyly qoljetimdi etý», dedi Rostıslav Konıashkın.
Júrgizýshi kýáligin onlaın aýystyrý: Jańa qyzmetti qalaı rásimdeımiz?