Úsh úmitker tirkeldi

2015 jylǵy 26 sáýirge taǵaıyndalǵan Qazaqstan Res­pýb­lıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń Kúntizbelik jos­paryna sáıkes, 25 naýryzda Qazaqstan Respýblıkasynyń pre­zı­denttigine kandıdattardy tirkeý aıaqtalǵan edi. «Qazaqstan Respýblıkasyndaǵy saılaý týraly» Konstıtýsııalyq zańnyń 59-baby 7-tarmaǵynyń 3) tarmaqshasyna sáıkes, tirkeý úshin barlyq qajetti qujattardy tabys etpeýine baılanysty Qazaqstan Respýblıkasy Ortalyq saılaý komıssııasy Lımana Qoıshıevany, Qanat Sbashuly Týrageldıevti, Jarylqap Seıdláuly Qalybaı men Hasen Kárimjanuly Qoja-Ahmetti Qazaqstan Respýb­lıka­synyń prezıdenttigine kandıdat retinde tirkeýden bas tartý týraly qaýlylar qabyldady. Osylaısha, Qazaqstan Res­pýb­lıkasy Ortalyq saılaý komıssııasy Qazaqstan Respýblıkasynyń prezıdenttigine kandıdat retinde: Nursultan Ábishuly Nazar­baevty Turǵyn Ysqaquly Syzdy­qovty Ábilǵazy Qalıaqparuly Qu­saıynovty tirkedi. 26 naýryzdan bastap barlyq tir­kelgen kandıdattar saılaý aldyn­daǵy úgitke kirisýge quqyly bolatyn. Osyǵan baılanysty Or­talyq saılaý komıssııasy Qazaq­stan Respýblıkasynyń pre­zıdent­tigine kandıdattardyń respýb­lıkalyq bıýdjet qarajatynan jabylatyn shyǵystarynyń mól­sherlerin belgileý týraly qaýly qabyldady. Saılaý zańnamasyna sáıkes memleket kandıdattarǵa óz baǵ­darlamalarymen buqaralyq aqparat quraldaryna shyǵýy úshin birdeı qarajat bólinýine kepildik beredi. Árbir kandıdattyń teledıdardan on bes mınýttyq sóz sóıleýine, radıodan on mınýttyq sóz sóıleýine, sondaı-aq, baspa basylymdarynda 0,1 baspa tabaqtan aspaıtyn kólemde eki maqala jarııalaýyna qarajat beriledi. BAQ-tarda saılaý aldyndaǵy úgitti júrgizý úshin kandıdattarǵa bólinetin somalardyń esebi In­ves­tısııalar jáne damý jónindegi mınıstrliginiń Baılanys, aqparattandyrý jáne aqparat komıteti usynǵan qoldanystaǵy baǵalarǵa sáıkes júrgizildi. Teledıdardan on bes mınýttyq sóz sóıleýine kandıdattarǵa 5 250 000 teńge somasynda qara­jat bólinedi. Radıodan óz baǵdar­lamasymen on mınýttyq sóz sóı­leýine árbir kandıdatqa 200 000 teńge bólinedi. Baspa basylymdar­yn­da eki maqala jarııalaýyna ár­bir kandıdatqa 810 000 teńge bólinedi. Sonymen qatar, kandıdattarǵa saılaýshylarmen kezdesýler úshin úı-jaıdy jalǵa alýǵa   200 000 teńge somasynda, úgittik baspa materıaldaryn basyp shyǵarýǵa 250 000 teńge somasynda qarajat bólinedi. Tirkelgen árbir kandıdattyń kó­liktik shyǵystaryna taǵy 300 000 teńgeden bólinedi. Sondaı-aq, Ortsaılaýkom Qa­zaqstan Respýblıkasy Syrtqy ister mınıstrliginiń usynymy boıynsha 25 naýryzda taǵy 9 halyqaralyq baıqaýshyny tir­kedi. Olardyń 5-eýi TMD-dan Baıqaý­shylar mıssııasynyń ókili (ekeýi Belarýs Respýblıkasynan jáne úsheýi Tájikstan Respýb­lıkasynan), 4-eýi shet memle­ket­terdiń ókilderi (Kanada, Lıtva, Fınlıandııa jáne Chehııadan bir-birden). «Egemen-aqparat».