Astana qalasynda 18 jastaǵy stýdent Ádı Chúkeevtiń ólimine qatysty sot prosesi bastaldy. Qaıǵyly oqıǵa ótken jyldyń jeltoqsan aıynda elordadaǵy túngi klýbtardyń biriniń mańynda bolǵan. Aıyptalýshylar ornynda eki adam otyr, olardyń biri qylmys kezinde quqyq qorǵaý organynyń qyzmetkeri bolǵan, dep habarlaıdy Egemen.kz.
Marqumnyń anasy ulynyń óliminen áli de es jııa almaı júrgenin aıtyp, aıyptalýshylarǵa eń qatań jaza berýdi talap etti. Onyń sózinshe, Ádı aýyr soqqy alyp, keıin kóz jumǵan.
Oqıǵanyń bastalǵan sáti kýágerler túsirgen beınejazbaǵa túsip qalǵan. Alaıda týystary is materıaldarynda basqa vıdeo joq ekenin aıtady.
Ál-Farabı dańǵylyndaǵy jol apaty: Rezonans týdyrǵan is taıaýda sotqa joldanady
Ádı Chúkeev 24 jeltoqsanda 18 jasqa tolǵan, al úsh kúnnen keıin qaza tapqan. Onyń denesi máıithanadan tabylǵanyn ata-anasyna úlken uly habarlaǵan.
Sot otyrysy buǵan deıin aıyptalýshylardyń júzderin jarııalamaý talabyna baılanysty keıinge shegerilgen bolatyn. Osyndaı jaǵdaı jańa tyńdaýda da qaıtalandy.
Marqumnyń otbasy ár sot otyrysyna Aıagóz qalasynan Astanaǵa shamamen 1200 shaqyrym jol júrip keledi.