Halyqtyń aryz-shaǵymyna, jaǵdaıyna atústi qaraıtyn basshy atqaratyn qyzmetine laıyqty ma? Osy saýal Atyraý oblystyq tártiptik keńes múshelerin biraz tolǵandyrǵan syńaıly. Naqty derekke súıener bolsaq, Jylyoı aýdandyq qurylys, sáýlet jáne qala qurylysy bóliminiń basshysy B.Satıevke turǵyndardan jer telimin suraǵan 63 aryz túskenimen, olarǵa ol ýaqtyly jaýap bermeı qoıǵan. Ol óziniń bul áreketin jańa alańdardyń daıyn emestigimen, tıisti qujattardyń tolyq bolmaýymen túsindirýge tyrysyp baqty. Alaıda, qaraýyndaǵy qyzmetkerler onyń jaýabyna kereǵar sebepterdi alǵa tartty.
Sondyqtan úsh aıdaı buryn atalǵan laýazymǵa taǵaıyndalǵan sheneýniktiń bul áreketine tártiptik keńes músheleri beıjaı qaraı almady. О́ıtkeni, ol memlekettik qyzmetshilerdiń Ar-namys kodeksiniń talaptary men jeke jáne zańdy tulǵalardyń aryz-ótinishterin qaraýdyń tártibin buzyp, sybaılas jemqorlyqqa jaǵdaı týǵyzatyn quqyq buzýshylyq jasap otyr. Osyǵan baılanysty Jylyoı aýdandyq qurylys, sáýlet jáne qala qurylysy bóliminiń basshysy B.Satıevke «laýazymyn tómendetý» túrindegi tártiptik jaza qoldaný uıǵaryldy.
Joldasbek ShО́PEǴUL,
«Egemen Qazaqstan».
Atyraý oblysy.