Qasym-Jomart Toqaev pen Vladımır Pýtınge birqatar saýda-ekonomıkalyq joba, Amýr jolbarystaryn Qazaqstanǵa jersindirý, júrgizýshisiz júk kóligi avtobaǵytynyń iske qosylýy, «Sırıýs» mektebi bastamalary tanystyrylyp jatyr, dep habarlaıdy Egemen.kz Aqordanyń baspasóz qyzmetine silteme jasap.
Qazaqstan men Reseı prezıdentterine ónerkásip kooperasııasy salasyndaǵy birlesken jobalar kórsetildi.
Búginde elimizde 3,5 myń birlesken kásiporyn jáne reseılik kapıtaly bar 17 myńnan asa kompanııa jumys isteıdi.
Qazaqstan men Reseı ónerkásip kooperasııasynyń portfeli jalpy quny 52,7 mıllıard dollardy quraıtyn 177 birlesken jobadan turady. Osy arqyly 60 myńnan asa jumys orny ashylmaq.
Jobalar metallýrgııa, munaı hımııasy jáne mashına jasaý salalarynda tabysty júzege asyrylýda.
Atap aıtqanda, Pavlodar oblysynda temirjol salasyndaǵy baǵyttama burmalaryn jáne tutas ılektelgen dóńgelekter óndirýge arnalǵan kásiporyn jumys istep tur.
Eń iri jobalardyń biri – Atyraý oblysyndaǵy polıpropılen óndirisi.
Qaraǵandy oblysynda birlesken shına zaýyty, Qostanaı oblysynda shoıyn quımalarynan júk kólikteriniń bólshekterin shyǵarý jobasy iske qosyldy.
Qazirgi ýaqytta hımııa ónerkásibi, qurylys materıaldaryn óndirý jáne shıkizat óńdeýdi damytý baǵytynda jalpy somasy 10 mıllıard dollardy quraıtyn 24 joba júzege asyrylýda.
Atalǵan óndiristerdi iske qosý jańadan 11 myń jumys ornyn ashýǵa múmkindik beredi.
Qazaqstan men Reseı ónerkásiptik yntymaqtastyqtyń jańa modelin ázirlep jatyr
Aıta keteıik, jolbarysty qaıta jersindirý bastamasy kóptegen jyldar boıy joıylyp ketkennen keıin tarıhı taralý aımaǵyndaǵy iri jyrtqyshty qalpyna keltirýdiń biregeı halyqaralyq úlgisi retinde qarastyrylady.
«Sırıýs» mektepterinde «Adal Azamat» tárbıe baǵdarlamasy oqytylady