Elbasymyz N.Nazarbaev jaqynda ǵana Jambyl oblysyna kelgen saparynda Taraz hımııa-tehnıkalyq kolledjiniń jumysymen tanysyp, dýaldy júıege meılinshe den qoıýdy atap ótken bolatyn. Shynynda, údemeli ındýstrııalyq-ınnovasııalyq damý jónindegi baǵdarlamanyń júzege asyrylýy aldymen ónerkásip oryndaryna baılanysty desek, kásiporyndardyń damýy tehnıkalyq jáne kásiptik bilimi bar bilikti mamandarǵa táýeldi. Aıtalyq, Avstralııa, Belgııa, Nıderlandyda oqýshylardyń 70 paıyzy jumysshy mamandyǵyn meńgeretin bolsa, Germanııa, Shveısarııa, Norvegııa, Shvesııa elderinde bul kórsetkish 60 paıyzdy quraıdy. Iаǵnı, damyǵan eýropalyq memleketterde jumysshy mamandyqtaryna kóńil bólinedi.
Elimizde kásiptik-tehnıkalyq mamandyqtardy tańdaýshylar qatary 10 paıyzdan aspaı otyrǵandyqtan oqytýdyń dýaldy júıesin engizýdiń ulttyq modelin qalyptastyrý men memleket ekonomıkasynyń ınnovasııasyna bilikti mamandardy daıarlaýdyń mańyzdylyǵy, ónerkásip pen oqý oryndarynyń arasyndaǵy baılanysty nyǵaıtý tehnıkalyq jáne kásiptik bilim berýde týyndap otyrǵan máselelerdiń biri. Qazirgi Qazaqstan úshin bul ózekti máseleni sheshý tehnıkalyq jáne kásiptik bilim berý uıymdarynyń oqytý pedagogtarynyń arnaıy kásiptik daıyndyǵyn qajet etedi. Osyǵan oraı, «О́rleý» BAUO» AQ fılıaly Jambyl oblysy boıynsha pedagogıkalyq qyzmetkerlerdiń biliktiligin arttyrý ınstıtýty dýaldy oqytý júıesi týraly joǵary kásiptik quzyrettiligin arttyrýǵa, tájirıbe almasý, máselelerdiń sheshý joldaryn qarastyrýǵa baǵyttalǵan tehnıkalyq jáne kásiptik bilim berý mekemeleriniń oqytýshylarynyń biliktiligin arttyrý kýrstaryn uıymdastyrýda. Oblysymyzda ótken jyldyń 1 qyrkúıeginen bastap dýaldy oqytý júıesin engizýde eksperımenttik alań mártebesin 25 tehnıkalyq jáne kásiptik bilim mekemeleri aldy. Osy kolledjderdiń jumystarymen tanysý, dýaldy oqytý júıesin engizýdegi áleýmettik seriktesterdiń rólin jáne óndiristerdegi oqýshylardyń teorııalyq bilimderin praktıkada qoldanýlaryn zerdeleý maqsatynda kýrs tyńdaýshylaryna kóshpeli tájirıbelik sabaqtar uıymdastyrylýda.
Mysalǵa, Jambyl polıtehnıkalyq jáne №1 kolledjde ótetin tájirıbelik sabaqtar tyńdaýshylarǵa memlekettiń, bıznes pen bolashaq mamannyń múddelerin biriktiretin dýaldy oqytý júıesiniń modelimen tanysýǵa, dýaldy oqytý júıesin engizýde týyndaǵan qıyndyqtar men olardyń sheshý joldaryn qarastyrýǵa qatysty máselelerdi sheshýge múmkindik berýde. Áleýmettik seriktestiń dýaldy oqytý júıesin endirýdegi tájirıbesin zerdeleý, kásibı bilikti kadrlardy daıyndaýda áleýmettik seriktestiktiń róli týraly suraqtar aıasynda «Qazfosfat» (JJFZ) JShS-niń oqý ortalyǵynda ótetin sabaqtarda qarastyrylady. Mundaı tájirıbelik sabaqtar tyńdaýshylardyń biliktilikterin arttyryp qana qoımaı, tehnıkalyq jáne kásiptik bilim beretin mekemelerde dýaldy oqytý júıesin engizýde jasalynyp jatqan jumystardy nyǵaıta túsýge qosymsha serpin beredi.
Gaýhar TÁJIBAEVA, Jambyl oblysy boıynsha pedagogıkalyq qyzmetkerlerdiń biliktiligin arttyrý ınstıtýty basqarý jáne bilim sapasy kafedrasynyń aǵa oqytýshysy.