Jeńis kúni – men jáne meniń otbasym úshin erekshe kún. О́ıtkeni, meniń de atalarym Uly Otan soǵysyna qatysqan jandar. Olar týraly qysqasha baıandaǵym keledi.
О́z atam Sopyǵalı Qurmanbaev 1919 jyly týylǵan. Ol Polsha, Chehııa, Dneprde ótken urystarǵa qatysqan. «Erligi úshin», «Pragany azat etkeni úshin» jáne basqa da kóptegen medaldarmen jáne ordendermen marapattalǵan. Qandy soǵystan aman qaıtyp, elge kelgen soń úılenip, bes balany ósirip-jetkizedi. Ustazdyq etip, uzaq jyl mektepte eńbek etti. Ákem men anam ata-ájelerimniń esimderi men qasıetti isin qasterlep, maǵan úlgi etip, ónegelerin aıtyp otyrady.
Naǵashy atam Muqanbetjan Qalıev, 1913 jyly týǵan. Qan maıdanǵa ásker qatarynda boryshyn aıaqtap elge qaıtatyn shaqta attanǵan eken. Jaıaý ásker qatarynda Belarýs maıdanynda, Máskeý irgesindegi shaıqasta, Kenıgsbergti azat etýde alǵan medaldary saqtalǵan. Tizesin tesip ótken oqtan aıaǵyn aman saqtap qalǵan hırýrgke alǵysyn aıtyp otyrady eken. «Sol soǵystan 1946 jyly elge oralǵanda omyraýy orden-medalǵa tolyp keldi. Aldynan júgirip shyqqan balalarǵa bir birden taratyp, moıyndaryna salyp berdi», dep otyratyn Jolbolsyn ata Shaıqaqov. Muqanbetjan atam jasy 70-ten asqansha eńbek etip, soǵystan keıingi eldiń eńsesin kóterip, turmysynyń kóterilýine eren úles qosqan jan. Jeńistiń 50 jyldyǵyna birneshe aı qalǵanda, 1994 jyldyń jeltoqsanynda dúnıeden ótken.
Ájemiz Hadısha ekeýi alty ul-qyz tárbıelep, barlyǵynyń bilim alyp, ozat bolýyna jaǵdaı jasady. Ájemiz tylda er azamattarsha eńbek etipti. О́zi sheber, bııazy minezdi, aqyldy ádemi kisi bolǵan kórinedi. Elge syıly, eńbek pen adamgershilikti ónege etken, bilikti, meıirimdi kisilerden órbigen urpaqtary atynan olardyń rýhyna bas ıip, olarmen maqtanatynymdy jetkizgim keledi.
Elnur SOPYǴALI,
Nazarbaev zııatkerlik mektebiniń 9-shy synyp oqýshysy.
ASTANA.