О́zbekstannyń Naýaı oblysyna qarasty Úshqudyq aýdanynyń jerindegi Jarqudyq shatqalynda kóne zamannan kele jatqan tas ormany bar. El bıligi endi ony Chılı men Bolgarııa jerindegideı ǵajaıyp parkke aınaldyrýǵa áreket jasap jatyr.
Atalǵan aýmaqtaǵy ejelgi dúnıeden beri kele jatqan tas tulǵaly dińgekter tik turǵan turbalardy eske túsiredi. Olar ýaqyttyń áseri men tabıǵı kataklızmder arqyly mıneraldanyp qatyp qalǵan aǵashtardan quralady. Al eskertkishterdiń qurylymdary ár alýan jáne kúrdeli bolyp keledi.
Mamandardyń pikirinshe, bulardyń qazirgi zamanmen ýaqyt aıyrymy 9 mıllıon jylǵa jýyqtaıdy. Búginde Naýaı oblysy aýmaǵynan osyndaı úsh iri baǵandar tabylǵan. Olardyń ishindegi Myńbulaq kolonalary eń irisi bolyp tabylady. Budan basqa taǵy Tamdy aýdanyndaǵy Qaraqatyn jáne Molaly baǵandary da bar.
«Memlekettik tabıǵatty qorǵaý baǵdarlamasyna sáıkes, Jarqudyqtaǵy tas ormandary terrıtorııasynan qorǵalatyn aımaq jasap, oǵan aýdandyq tarıhı-ólketaný mýzeıiniń fılıaly mártebesin berý máselesi qarastyryldy. О́tken jyldyń sońynda О́zbekstan Respýblıkasy olıı májilisi janyndaǵy úkimettik jáne kommersııalyq emes uıymdar men basqa da azamattyq qoǵam ınstıtýttaryna qoldaý kórsetý qoǵamdyq qorynan tas ormanyna qorǵaýly tabıǵı terrıtorııa mártebesin berý jáne oǵan jergilikti jastardyń nazaryn aýdarý jóninde áleýmettik tapsyrys alyndy», – dep atap ótti oblystyq tabıǵat qorǵaý basqarmasynyń mamany Zýbaıda Dýshanova.
Murat AITQOJA.