ASTANA. 27 tamyz. Elbasy «Astana» fýtbol klýbynyń ÝEFA chempıondar lıgasy toptyq kezeńine ótýine baılanysty quttyqtaý joldady.
Memleket basshysy elordalyq komandany quttyqtaı otyryp, osynaý shyn mánindegi tarıhı jetistik jankeshti oıynnyń, yntymaqtyń, sheber bapkerlik jumys pen jankúıerlerdiń qyzý qoldaýynyń nátıjesi ekenin atap ótti. «Komandanyń tabysy búkil Qazaqstan halqyn tutastyra tústi. Bul oqıǵa sportty elimizde odan ári tanymal ete túsý úshin tyń serpin beretinine senimdimin. «Astanany» endi fýtboldaǵy álemdik alyp komandalarmen básekeler kútip tur. Bul bizdiń jankúıerlerimizge jańa sapalyq deńgeıdegi oıyndardy kózben kórýge múmkindik beredi», – delingen jedelhatta.
Sońynda Nursultan Nazarbaev barsha qazaqstandyqtardyń atynan komandaǵa jarqyn jeńister tiledi.
Aıdar О́risbaev.
Derek, sýret: akorda.kz.