Búgingi kúnge deıin naqty da izgi isterdiń uıytqysy, bastamashysy bolyp kelgen «Nur Otan» partııasy men onyń músheleri el damýyna óz úlesin qosyp keledi. Memleket basshysy N.Nazarbaevtyń daǵdarystyń qyspaǵy men sanksııalardyń salqyny sharpyǵan álemde táýelsiz elimizdiń qaýipsizdigin, ekonomıkalyq beriktigin, áleýmettik áleýetiniń álsiremeýin qadaǵalap jáne osy qaýip-qaterlerdiń aldyn alý maqsatynda jan-jaqty qamtylǵan memlekettik baǵdarlamalary men jobalarynyń, tapsyrma-mindetteriniń tııanaqty júzege asýyna qolǵabys bolyp kelemiz.
Sonymen qatar, «Nur Otan» partııasy jetekshi partııa retinde óńirlerdegi túrli máselelerge nazar aýdaryp, múmkindiginshe kómek berip keledi. Mysaly, partııa Mańǵystaý oblysynda áleýmettik jaǵynan álsiz qorǵalǵan otbasylarǵa járdem berý, jumyssyzdyq máselesin sheshý, jastar máselesi sekildi biraz sharýalardyń bastamashysy da boldy, bel ortasynan da tabyldy, bolashaqta da osy baǵytta jumystardy jalǵastyra beremiz. О́ıtkeni, elimizdiń syrtqy áserler sebebinen týyndaǵan, sondaı-aq týyndaýy múmkin syn-qaterlerge laıyqty qarsy turýy úshin judyryqtaı jumylǵan ózara aýyzbirlik, bir-birin qamqorlaı bilgen tatýlyq, meıirimdilik qajet ekeni barshamyzǵa túsinikti.
«Nur Otan» partııasynyń ómirsheń ustanymy, ıgi maqsat-muraty partııanyń kezekten tys XVII sezinde anyq kórine bildi. Partııa tóraǵasy – Memleket basshysy N.Nazarbaevtyń baıandamasynda jahandyq ekonomıkanyń qurylymdyq ózgerisine baılanysty áreket etý, munaı baǵasynyń tómendeýine qatysty shynaıylyqqa beıimdelý, shaǵyn jáne orta kásipkerlikti qoldaý maqsatynda nesıelendirýge memleket tarapynan qoldaý kórsetý arqyly Qazaqstanda jumyssyz jandar bolmaýyn qamtamasyz etý, ózge de el taǵdyryna qatysty kóptegen máselelerdi aıtty. Daǵdarys jaǵdaıynda biz Elbasy usynǵan baǵytpen júrip, Elbasy júktegen tapsyrma-mindetterdi oryndaýmen ǵana ózimiz maqsat etken bıikke qol jetkizip, qaýipsizdikti qamtamasyz ete alamyz.
Jıynda partııanyń Bes ınstıtýttyq reforma sheńberindegi «100 naqty qadam» Ult Josparyna negizdelgen «Qazaqstan-2021. Birlik. Turaqtylyq. Jasampazdyq» jańa saılaýaldy baǵdarlamasy qabyldandy. Sondaı-aq, bıylǵy jyldyń 20 naýryzynda ótetin Májilis saılaýyna úmitkerlerdiń partııalyq tizimi bekitildi. Biz, Mańǵystaý oblysynan atalmysh sezge delegat bolyp qatysqan 24 jáne qonaq retinde shaqyrylǵan 12 azamat osy tamasha sáttiń kýágeri boldyq. Sondaı-aq, ózimiz partııalyq tizimde usynǵan úsh úmitkerimizge sáttilik tilep, barlyq otandastarymyzdan Elbasy aldymyzǵa qoıǵan tapsyrma tek partııanyń mindeti ǵana emes, barshamyzǵa ortaq mańyzdylyqqa ıe ekendigin, sondyqtan árbir otanshyl iske qoldaý bildirý qajet ekenin aıtqym keledi.
Halıla NURǴALIEVA,
«Nur Otan» partııasy Mańǵystaý oblystyq fılıaly tóraǵasynyń
birinshi orynbasary.