Ortalyq Azııa naryǵyna shyǵarylady
Jýyrda Shyǵys Qazaqstan oblysynyń ákimi Danıal Ahmetov jumys saparymen Qyrǵyzstan jáne Tájikstan respýblıkalarynda boldy. О́ńir basshysy saparynyń negizgi maqsaty – jaqyn elderdiń óńirlerimen saýda-ekonomıkalyq baılanystardy tereńdetý jáne «BIPEK AVTO-AZIIа AVTO» holdınginiń ónimderin atalǵan elderdiń naryǵyna shyǵarý máselesin talqylaý boldy. Aımaq basshysynyń tóraǵalyǵymen barǵan qazaqstandyq delegasııa sapar aıasynda Qyrǵyzstan Respýblıkasy premer-mınıstriniń orynbasary Oleg Pankratovpen jáne Tájikstan premer-mınıstriniń orynbasary Azım Ibrohımmen kelisimder júrgizdi. Dýshanbede Shyǵys Qazaqstan oblysy men Tájikstan yntymaqtastyǵy boıynsha ózara paıdaly baǵyttardyń keleshegi belgilendi. Aýyl sharýashylyǵy mınıstri Mahmadtoır Zokırzoda jáne tájikstandyq isker toptar ókilderiniń qatysýymen ótken kezdesýlerde oblys basshysy taý-ken, tústi metallýrgııa, energetıka, mashına jasaý, avtomobıl qurastyrý jáne agroónerkásiptik keshendi damytý salalaryndaǵy óńirdiń jetistikteri men múmkindikterin baıandady. Taraptar saýda-ekonomıkalyq qatynastardy tereńdetý máselelerin qarap, atalǵan elderdiń aýmaǵynda Lada avtokólikteriniń bólshek saýdasy jáne satýdan keıingi qyzmet kórsetý, dıstrıbýsııa máselelerin egjeı-tegjeıli pysyqtady. Danıal Ahmetov Shyǵys Qazaqstan oblysynyń jalpy óńirlik ónimderiniń basym bóligin (7 mlrd. AQSh dollary) avtokólik jasaý salasyndaǵy ónimderdiń quraıtynyn jetkizdi. Atalǵan saladaǵy jyldyq aınalym 1,3 mlrd. AQSh dollarynan asady. «BIPEK AVTO-AZIIа AVTO» kompanııalar toby ońtústikkoreıalyq, fransýzdyq, reseılik jáne chehııalyq saýda belgilerimen barlyǵy 30-dan astam túrli klastaǵy avtokólikterdi shyǵarady. Osy oraıda oblys ákimi shyǵysqazaqstandyq holdıngtiń tájikstandyq naryqqa shyǵýyna múddelilik bildirdi. Iаǵnı, kompanııalar toby Tájikstanda keń kólemde avtodılerler torabyn, qyzmet kórsetý ortalyqtaryn uıymdastyrýǵa ázir. Kelisimderdiń nátıjesinde «BIPEK AVTO-AZIIа AVTO» holdınginiń Tájikstan naryǵyna shyǵýy boıynsha naqty usynystar ázirleý maqsatynda atalǵan elderge jaqyn arada jumys toptary jiberilmek.
Esterińizge sala ketsek, 2015 jyldyń qazan aıynda Ortalyq Azııa elderindegi Lada avtokólikteriniń dıstrıbýsııa quqyǵyna «BIPEK AVTO-AZIIа AVTO» holdıngi ıe bolǵan edi. Qazaqstan men Reseı prezıdentteriniń kezdesýi sheńberinde qazaqstandyq «BIPEK AVTO-AZIIа AVTO» kompanııalar toby men reseılik «AVTOVAZ» AAQ basshylary birikken is-qımyl týraly kelisimge qol qoıǵan. Áriptester Qyrǵyzstan, О́zbekstan, Túrikmenstan, Tájikstan jáne Mońǵolııa elderiniń naryǵyna taýar jetkizýshi ınfraqurylymdy ózara birige otyryp, damytýǵa kelisken bolatyn. Budan buryn osy ispetti kelisim Reseıdiń Sibir jáne Oral federaldy okrýgteriniń naryǵyna qatysty qabyldanǵan. Osylaısha, «BIPEK AVTO-AZIIа AVTO» Eýrazııalyq ekonomıkalyq odaqtyń avtokólik naryǵyna shyǵý jobasyn sátimen júzege asyra bilgen alǵashqy qazaqstandyq kompanııa bolyp otyr. 2015 jyly qazaqstandyq holdıng Reseıdiń 11 qalasynan 15 jekemenshik avtoortalyq ashyp, satý jelisin qurdy. Qazaqstandyq holdıngtiń kelisim jasasqan aýmaǵy 7 memleketti, onyń ishinde Qazaqstan men Reseıdiń azııalyq bóligin qamtıdy. Búginde bul kásiporynnyń qamtyǵan naryǵy aýmaǵyndaǵy halyqtyń jalpy esebi 84 mıllıonnan asyp otyr. Iаǵnı, holdıngtiń Qazaqstannyń mańaıynda qalyptastyrǵan ótkizý jáne qyzmet kórsetý jelisi О́skemen qalasyndaǵy «AZIIа AVTO Qazaqstan» AQ alańynda salynyp jatqan tolyq sıkldi avtoóndiris ınfraqurylymynyń eksporttyq negizine qyzmet etedi degen senim bar.
Dýman ANASh,
«Egemen Qazaqstan».
О́SKEMEN.