Jambyl fermerleri

50 gektar jerdi qamtıtyn alma baǵy alqabyna kóshet otyrǵyzyp jatyr Jambyldyq fermerler «bir­lik bolmaı tirlik bolmaıtynyn» jaqsy túsingen sııaqty. Oblys­tyń Jambyl aýdanynda 30 sha­rýashylyq birigip, úlken bir tirlikti qolǵa aldy. Atap aıtar bolsaq, «Altyn alma» koope­ra­tıvi 50 gektar jerge alma baǵy­nyń kóshetin otyrǵyzyp jatyr. – Bul jerde almanyń 7 túri ósiriletin bolady, – deıdi kooperatıv tóraǵasy Rashıd Shoń­baev. – Barlyq kóshetterdi Polshadan ákeldik. Agronom­dardyń aıtýyna qaraǵanda, alma kóshetteri bizdiń topyraqta ósip-ónýge qabiletti. Árıne, kútip-baptaý máselesine kóp mán berý qajet. Sondyqtan bizde arnaıy tehnologııalyq karta jasalǵan. Jumys sol boıynsha júredi. 2017 jyly alǵashqy ónimdi jınaımyz degen josparymyz bar. Jobanyń jalpy quny 470 mıllıon teńgeni quraıdy. Aýyl sharýashylyǵyn qoldaý qory boıynsha sýbsıdııa alǵan. Qazir oblysta 400 gektardan astam osyndaı qarqyndy baý bar. – 2-3 gektar jeri bar sha­rýa­larǵa nesıe men tehnıka berilmeıdi. Sondyqtan sharýalar kooperasııa týraly zańnyń tıimdi ekenine kózderi jetti. Birigýdiń arqasynda olardyń úlken aýmaqty ıgerip, qomaqty nesıe alýǵa múmkindikteri bar. Bıyldyń ózinde osy qarqyndy baý egýge 1,5 mıllıard teńge ın­vestısııa tartylmaq, – deıdi Jambyl aýdanynyń ákimi Máden Musaev. Oralhan DÁÝIT, «Egemen Qazaqstan». Jambyl oblysy.