ASTANA. 29 naýryz. Brıýssel qalasyna kelgen Qazaqstan Prezıdenti Nursultan Nazarbaev 22 naýryzda «Malbek» metro stansasynda bolǵan terrorlyq akt qurbandaryn eske alyp, gúl shoqtaryn qoıý rásimine qatysty. Bul týraly akorda.kz-ke silteme jasaǵan egemen.kz tilshisi habarlady.
Memleket basshysy osy rásim aıasynda Brıýssel astanalyq óńiri Úkimeti basshysynyń orynbasary G.Vanhengelmen áńgimelesip, qaıǵyly oqıǵaǵa baılanysty kóńil aıtty.
«Qazaqstan terrorızmniń kez kelgen kórinisin aıyptaıdy jáne Belgııa halqynyń qaıǵysyna ortaqtasady. Zardap shekkenderdiń tezirek saýyǵyp ketýine, al qaza bolǵandardyń týǵan-týystary men jaqyndarynyń osy qasiretten tezirek eńse tikteýine tilektestigimdi bildiremin», – dedi Nursultan Nazarbaev.
Belgııaǵa sapar aıasynda sondaı-aq, Prezıdenttiń Eýropalyq keńes tóraǵasy D.Týskpen jáne Eýropalyq komıssııa tóraǵasy J.K.Iýnkermen kezdesýi josparlanyp otyr.
Talǵat Raıymbek.
Derek, sýret: akorda.kz.