ASTANA. 30 naýryz. Jylyoı aýdanynda jergilikti polısııa basshysynyń orynbasary paramen ustaldy. Bul týraly mail.ru-ǵa silteme jasaǵan egemen.kz tilshisi habarlady.
Atyraý oblystyq sybaılas jemqorlyqqa qarsy kúres ulttyq bıýrosynyń habarlaýynsha, atalǵan aýdanda jergilikti polısııa basshysynyń orynbasary D. Ahıpovqa para alý deregi boıynsha aıyp taǵylyp, qamaýǵa alynǵan.
«Polısııa maıory jergilikti kásipkerdi qorqytý arqyly para alǵan», – deıdi atalǵan departament ókilder.
Aıta keteıik, D. Ahıpovtyń ústinen óz laýazymyn asyra paıdalanyp, kásipkerden aqsha talap etti deregi boıynsha qylmystyq is qozǵaldy. Ol Qulsary qalasyndaǵy bazarda saýdamen aınalysatyn kásipkerden 30 myń teńge para alyp jatqan kezinde qolǵa tústi. Qazirgi tańda kúdikti qamaýǵa alynyp, sotqa deıingi tergeý amaldary júrgizilýde.
Talǵat Raıymbek.
Derek: mail.ru.
Sýret: nur.kz.